Fálase

Ditada a sentenza do fiscal xeral do Estado: o Supremo condena a Álvaro García Ortiz baseándose na nota de prensa que non viu ilícita ao admitir o caso a trámite, informa infoLibre. Os cinco maxistrados conservadores da Sala ven probado que o xa ex-titular da fiscalía xeral filtrou un correo con datos do caso do noivo de Díaz Ayuso mentres que as dúas maxistradas consideradas da órbita progresista consideran, nun voto particular, que non existen probas ao respecto.

• 📄 DOCUMENTO | Consulta a sentenza íntegra
• HEMEROTECA | O Supremo inhabilita o fiscal xeral
• HEMEROTECA | Centos de persoas mobilízanse na Coruña e Santiago contra a condena ao fiscal xeral
• HEMEROTECA | As raíces galegas no aborrecemento ao fiscal xeral polo PP
• OPINIÓN | Dous galegos perante o Tribunal Supremo (e un destino)

Activada a alerta laranxa por vento no oeste e suroeste da Coruña. A Xunta vén de activar para este martes a alerta laranxa por vento no oeste e suroeste da provincia da Coruña. Ademais, mantense o nivel de aviso laranxa por temporal costeiro no litoral das provincias da Coruña e de Lugo. Segundo a Axencia Estatal de Meteoroloxía (Aemet), a alerta laranxa por vento activarase desde últimas horas do día de hoxe e agárdanse refachos de vento de ata 100 quilómetros por hora. A Xunta informa de que se suspende a actividade no exterior nos centros educativos e a actividade deportiva federada e do programa Xogade no exterior

Sirât, de Oliver Laxe, candidata a mellor filme estranxeiro e mellor banda sonora nos Globos de Ouro. A cinta do director galego competirá no apartado de mellor película de fala non inglesa c'O axente secreto ou A voz de Hind. 

• Oliver Laxe, de Cannes aos Ancares: "Confío no poder das imaxes"
• Oliver Laxe: "O cinema segue sendo un espazo onde experimentar cousas fortes que xa non experimentamos na vida"

Unha persoa falecida e seis feridas tras un incendio na súa vivenda en Palas de Rei. O sinistro tivo lugar na Graña (San Xiao do Camiño) por un lume que queimou o soportal da casa e os adornos de Nadal, segundo informa o 112. 

Máis dunha ducia de corredores completan a maratón entre Melide e Santiago contra a reapertura da mina de Touro e contra a instalación de Altri en Palas. 14 corredores de montaña percorreron os 51 quilómetros entre as dúas localidades para amosar o rexeitamento a estes dous proxectos, nunha marcha organizada polas plataformas Ulloa Viva e contra a Mina Touro-O Pino, que definen as dúas iniciativas empresariais como "os perigos ambientais máis importantes de Galicia".

Este domingo as plataformas Ulloa Viva e Contra a Mina Touro-O Pino organizan unha maratón entre Melide e Santiago co obxectivo "de amosar a repulsa e a oposición a ambos proxectos". Catorce corredores de montaña federados participarán nun percorrido que partirá ás 7:30 horas e, tras pasar por Arzúa (9.00), O Pino (10:30) e Monte do Gozo (12:30), chegará ás 13:30 horas á Praza do Obradoiro, onde se lerá un manifesto. 

A iniciativa fará un chamamento a participar na manifestación convocada para o vindeiro domingo 14 en Compostela baixo o lema "Altri, non. Fóra xa". Imaxe: Plataforma Ulloa Viva

Os sindicatos cualifican de "maioritario" o seguimento da folga de transporte en autobús na provincia da Coruña. CIG, UGT e CCOO, as centrais convocantes, reclaman un "convenio digno", a redución e limitación da xornada e unha suba salarial con melloras nos permisos e na conciliación. O paro deixou centos de viaxeiros sen bus. 

• Folga este venres nos buses na provincia da Coruña coa ameaza de virar indefinida se a Xunta non actúa

Unha multitudinaria manifestación percorre Vigo pedindo ao Sergas a "reconstrución" da súa área sanitaria e reclamando unha "asistencia sanitaria 100% pública e de calidade". SOS Sanidade Pública convoca a marcha apoiada por ducias de partidos, sindicatos e entidades. 

• AMPLIAMOS | A propietaria de Povisa defende "a ética" dos seus profesionais e unha manifestación pide en Vigo acabar co concerto

RTVE retírase do Festival de Eurovisión logo de que as votacións celebradas na asemblea da Unión Europea de Radiodifusión (UER) decidisen a permanencia de Israel no certame. Foto: CC-BY Heute.at

Feijóo sobre o escándalo en Ribera Salud, dona de Povisa: "Se algúen pretende aforrar cartos a base de non atender doentes, non só hai unha responsabilidade administrativa". O líder do PP e ex-presidente da Xunta pide "unha auditoría" do hospital madrileño no que se ordenou atender menos doentes. Na imaxe, Feijóo nun acto no novo hospital de Vigo, que non implicou cesar o concerto con Povisa. 

• O negocio de Ribera Salud desde que mercou Povisa: un 20% máis de cartos públicos cun 15% menos de pacientes
• Ribera, propietaria de Povisa, ordena rexeitar pacientes nun hospital madrileño para gañar máis