Fálase

Persoal de ENCE que se mobilizaba contra un eventual peche da factoría increpa o alcalde e varios membros do goberno local de Pontevedra, que tiveron que ser escoltados pola Policía Local ao abandonaren as instalacións municipais e nos seus vehículos, golpeados por algúns dos manifestantes, como amosan as imaxes tomadas por Pontevedra Viva e o Canal Rías Baixas. "Non viñan concentrarse, viñan agredir verbalmente e mesmo fisicamente ás persoas que alí estabamos", afirma Miguel Anxo Fernández Lores.

• Ence abre o debate sobre a súa seguridade e non quere unha lei contra a súa concesión, pendente de avaliación xudicial
• A Fiscalía abre unha investigación sobre a seguridade de Ence tras as declaracións do seu presidente

O Congreso aproba tres puntos da proposta pola diversidade lingüística impulsada polas entidades en defensa da lingua propia como A Mesa. O BNG e outras nove forzas presentaron na Cámara Baixa a proposición para acabar coa "imposición" do castelán e a "discriminación" do galego.

A Axencia Europea do Medicamento recomenda autorizar a vacina de Janssen contra a COVID-19. Será a cuarta autorizada na UE tras as de Pfizer-BioNTech, Moderna e Oxford/AstraZeneca.

A Xunta retira o monumento que lembraba a visita de Xoán Paulo II ao Monte do Gozo en 1989. A remodelación da zona que realiza o departamento de Turismo “recomenda a demolición da estrutura” polo seu “mal estado” e a “restitución da topografía orixinal do montículo, modificada no seu día”, depositando no chan as chapas conmemorativas do monumento.

• GALERÍA DO MONTE DO GOZO | O primeiro mes do Xacobeo deixa máis de medio cento de peregrinos malia ao peche pola COVID de Santiago e Galicia

O Consello Interterritorial de Saúde ratifica o mantemento dos peches perimetrais autonómicos pola COVID-19 para a ponte de San Xosé e mais para a Semana Santa. Vén de confirmalo a ministra de Sanidade, Carolina Darias, e así o avanzara tamén esta mañá o conselleiro Julio García Comesaña. Tras a xuntanza, a Consellería de Sanidade reitera que agardará a que se aproximen esas datas para concretar as restricións que rexerán nelas, dentro do marco xeral.

• A Xunta afonda na relaxación das restricións pola COVID e admite que vixía á Coruña pola fin da baixada da incidencia

Condenado a cinco anos de cadea o ex-presidente da Confederación do Miño-Sil, o socialista Francisco Fernández Liñares, por suborno e prevaricación. A Audiencia de Lugo imponlle tamén inhabilitación para cargo público durante 20 anos e unha multa de 7.200 euros.

• AMPLIAMOS 👉 A xustiza condena o ex-presidente da Confederación Hidrográfica a cinco anos de cárcere por suborno e prevaricación
• HEMEROTECA | Pokémon: perdón por ser corrupto en plena crise

O PP rompe o seu bipartito na Comunidad de Madrid e convocará eleccións anticipadas, segundo revela o ata agora vicepresidente rexional, de Ciudadanos. Segundo o estipulado no seu Estatuto de Autonomía, o mandato da nova Asemblea e do Goberno que elixa será de apenas dous anos, ata as seguintes eleccións, cadrando coas municipais de 2023. A decisión chega tras impulsar o PSOE e C's unha moción de censura en Murcia. Más Madrid e PSOE anunciaron o rexistro de senllas mocións de censura que, se fosen anteriores á hora da convocatoria electoral, bloquearíana. Na imaxe, Díaz Ayuso na toma de posesión do presidente da Xunta, en setembro de 2020.

• HEMEROTECA | O de Casado xa non parece "razoable" para Feijóo

Os sindicatos destacan o "éxito" da folga xeral en Ferrolterra, Eume e Ortegal, cun amplo seguimento en todos os sectores e a comarca ferrolá "paralizada". A manifestación co gallo do paro percorre xa as rúas. Foto: CIG. 

A Xunta varía as restricións por concellos anunciadas a pasada noite e, finalmente, dende o vindeiro venres Mos e Cambados pasan ao nivel medio de medidas fronte á COVID-19. Así o vén de confirmar a Consellería de Sanidade. Máis información, esta mañá en Praza.gal

• AMPLIAMOS 👉 A Xunta afonda na relaxación das restricións pola COVID e admite que vixía á Coruña pola fin da baixada da incidencia
• MAPA INTERACTIVO: Podes consultar aquí as restricións existentes en cada concello a partir deste venres, coas novas mudanzas xa incorporadas

A Xunta aumenta de catro a seis (Paradela, A Pobra de Brollón, Boborás, A Mezquita, Vilardevós e Pontecesures) os concellos que a partir deste venres estarán no nivel máximo de restricións. Outras 13 localidades situaranse no nivel alto: Soutomaior, Ponte Caldelas, Vilanova de Arousa, Mos, Cambados, Guitiriz, Lourenzá, Chantada, Mugardos, Cariño, Arteixo, Miño e Sobrado. O resto de Galicia ficará no nivel medio, segundo vén de anunciar a Consellaría de Sanidade despois da xuntanza do comité clínico de seguimento da pandemia de Covid-19

• MAPA INTERACTIVO: Podes consultar aquí as restricións existentes en cada concello a partir deste venres