A norma aprobárase por unanimidade en 2012, pero o TSXG e o Supremo obrigaron a realizar modificacións nos apartados que establecían que o galego era a única lingua oficial, que os cargos públicos debían expresarse neste idioma ou que as comunicacións das actividades subvencionadas polo Concello debían estar sempre en galego.
Os encontros, que xa contan con trinta participantes de sete nacionalidades distintas, buscan promover a integración cunha ollada intercultural e interxeracional. As xornadas terán lugar os domingos, en diferentes puntos da cidade, con propostas de folclore, gastronómicas ou culturais.
O pasado domingo derrubouse un treito da LU-651 que une o centro de Folgoso do Courel coa parroquia de Santa Eufemia e todo o sur do termo municipal. O corte dificulta o acceso de camións e autobuses e deixou o concello sen conexión de fibra óptica, o que afecta de forma importante a caixeiros automáticos e ao Centro de Saúde.
Os habitantes desta parroquia de Vilalba manteñen unha batalla legal para certificar a titularidade de oito predios que lles foron legados hai décadas e que a Diocese de Mondoñedo busca inscribir ao seu nome e vender. Entre eles está o Campo da Festa, imprescindible para a vida do lugar e que este sábado acolle as celebracións de San Xosé. Falamos con dúas das veciñas.
O xuíz propón xulgar o ex-concelleiro Liñares, dous directivos de Vendex e un empregado do Concello que tamén traballaba para outra empresa do sector como supostos autores de delitos de suborno e integración en grupo criminal. Sobre Orozco, o auto conclúe que non hai "indicio ningún" de que recibise cartos da trama e que a acusación se baseaba en "suposicións"
A Real Academia Galega de Ciencias homenaxea neste 2022 a Juan Rof Codina, catalán de nacemento e lucense de adopción autor de múltiples avances no coidado do gando. Os argumentos culturais e técnicos de Rof Codina contribuíron a que as autoridades do Lugo de hai un século desbotasen a idea de derrubar a Muralla para "favorecer o crecemento da cidade" despois de que mesmo se valorase utilizar a súa pedra para obras como as dos portos da Coruña e Ferrol
Os bens comunais figuran no catastro a nome da Diocese dende hai 20 anos, pero non no Rexistro da Propiedade. A veciñanza de Corvelle vén de presentar unha demanda xudicial para que os recoñezan como titulares dos predios, que inclúen o Campo da Festa, cuxo mantemento leva anos pagando a Asociación de Veciños, que mesmo construíu un palco e un peche.
Suma a Supercopa a un palmarés inimitable, o dun equipo vixente campión de Europa, Liga e Copa desde unha vila de menos de 10.000 habitantes.
O alto tribunal revela que o recurso do Goberno galego contra a sentenza previa do TSXG que censurou a “fragmentación” e “división artificial” do proxecto para facilitar a súa aprobación non cuestionou ese feito
O alto tribunal fai firme a sentenza coa que o TSXG anulou hai ano e medio o permiso que o Goberno galego deu en 2018 para ampliar unha instalación que foi fragmentada artificialmente e que afecta ao Camiño de Santiago
O vindeiro 3 de marzo Lugo acolle a estrea da obra de teatro de Culturactiva, escrita por Paula Carballeira e dirixida por Fina Calleja. A peza conta a historia de dúas alumnas de María Barbeito, a través da que se quere homenaxear "ás mestras galegas de onte, de hoxe e de sempre".