Lugo

O Concello lucense reclama que o Goberno galego cumpra a promesa de instalar no vello Cuartel de San Fernando o Museo da Romanización de Galicia, para o que o Executivo de Feijóo chegou a anunciar 10 millóns de euros no ano 2010. O tirapuxa político sobre o edificio remóntase ao fraguismo, cando o consistorio xa esixía a Feijóo, daquela conselleiro, o cumprimento das promesas pendentes

A alcaldía burelá seguirá sendo para o socialista Alfredo Llano, que avanza a súa intención de procurar un pacto de goberno co Bloque. O PP lucense interpreta que "os veciños comprenderon que a solución dos problemas de Burela non virá da man do PSOE" e o PSdeG retruca que continúan como primeira forza mentres os populares obtiveron "o peor resultado da súa historia" na vila

Nunha das mesas electorais da localidade repítense este domingo os comicios municipais do pasado mes de maio, despois de que en xuño o TSXG invalidara o escrutinio realizado no seu momento. Non está en risco a vitoria do PSdeG-PSOE, pero a candidatura de Burela Sempre podería obter un edil en prexuízo de BNG ou PP.

O líder do PSdeG subliña que, especialmente dende a reforma sanitaria, a veciñanza da Mariña "sabe que para as operacións máis complexas e para ter todas as prestacións sanitarias ten que desprazarse a outras zonas". Nunha visita preelectoral á comarca insta a contrastar os "38 millóns de euros" do Goberno de España a Alcoa coa "campaña de demagoxia e falsidade continua" que atribúe a Feijóo

O hotel lucense no que García Lorca se hospedou en dúas ocasións acolle a homenaxe ao poeta nun novo Día de Lorca en Galicia. Foi en Lugo, lembran dende Alvarellos Editora, onde o autor andaluz "deixou manuscrito o primeiro dos seus poemas galegos"

Varias sentenzas consideran que a multinacional inflou o número de traballadores que debía subrogar outra firma que se fixo cunha das liñas que operaba

O Tribunal Superior atendeu a petición de paralizar as obras do parque eólico nun auto que lembra que dende 2014 están prohibidas estas instalacións en espazos da Rede Natura

A Semana Internacional de Cine de Autor de Lugo chega á súa 41 edición. A programación inclúe unha sección de Cine Galego con 20 pezas, entre curtas e longas, documentais ou de ficción. Repasamos esta vintena de filmes a través de entrevistas cos seus directores e directoras e das súas conexións temáticas

O "AVE a Lugo" nunca existiu. O que si existe e xa está en marcha é o plan de melloras da vía convencional, que inclúe accións como a electrificación e a supresión de pasos a nivel. O socialista Ábalos mantén que esas melloras estarán rematadas en 2021 e Feijóo retruca que "Lugo non terá AVE" nese ano

O anuncio do inicio dos traballos levou a cumprir a lei a unha parte dos 150 veciños que aínda non o fixeran, pero no resto de parcelas o Concello encargou a actuación a unha empresa de xestión forestal. Se os propietarios se negan a pagar, a venda da madeira cortada servirá para aboar a factura

A plataforma Salvemos O Iribio destaca que esta medida cautelar pode supor "o primeiro paso cara a anulación total do proxecto", xa que "de ter que sometelo a unha nova avaliación de impacto ambiental, o máis probable é que non dea superado a tramitación".

Bispos doutras dioceses refuxiados na zona consolidaron unha sé que acabou convertendo a vila nunha das sete capitais de provincia do Reino de Galicia