Lugo

Co pano de fondo da sanción imposta polo Poder Xudicial, a xuíza desbota dividir o caso como pide o fiscal, ao que critica por "afastarse radicalmente" do criterio dos seus predecesores na causa. Dedica máis de 400 páxinas a debullar o caso para concluír que non é posible "analizar as condutas illadamente" e defende que repartir a operación sería "inxusto", xeraría "dilacións" e abocaría algúns dos delitos á "impunidade"

O Goberno galego asegura que a partir do luns 3 de febreiro se poderán retomar as clases nunha instalacións provisionais. Porén, as familias e o Concello esixen que se dea unha solución definitiva ás deficiencias do centro, como recomendan tamén os informes técnicos

Unha veciña octoxenaria da Pastoriza foi asasinada polo seu marido no serán do sábado. As vítimas mortais da violencia machista en Galicia elévanse a 62 dende o inicio da estatística oficial

A Fiscalía abriu unha investigación para determinar se ao alcalde, José María López Rancaño (PP), se lle podía imputar un delito de prevaricación por omisión. O rexedor ignorou durante seis anos a petición de que fose retirada unha barreira arquitectónica que dificultaba o acceso a unha xubilada en cadeira de rodas.

Nais e pais convocan unha manifestación este venres e esixen "concreción" á Consellería de Educación. O alumnado será trasladado mentres duren os traballos. O informe técnico que analizou os problemas do inmoble non atopa "riscos inmediatos" pero recomenda "actuacións de cara a rixidizar a estrutura"

O portavoz do PNV no Congreso, Aitor Esteban, abordou nunha conferencia no Ateneo Galeguista de Lugo o encaixe de Euskal Herria como nación en Europa e tamén a actualidade política estatal e o papel da súa formación nela

Moitos pais e nais néganse a enviar os seus fillos e fillas ás clases, pero dende a Xunta asegúrase que o edificio está "perfectamente" e que non existe risco ningún para os seus ocupantes. O inmoble permanecerá apuntalado e realizaranse pequenas obras durante ao redor dun mes

A Consellería de Medio Rural outorga 200.000 euros para abrir un hotel do que gaba que “contribuirá a potenciar a oferta turística” dunha vila que o seu anterior alcalde quixo converter no “Sanxenxo do norte” coa burbulla inmobiliaria

As obras na LU-231 poderían comezar nos vindeiros días a pesar de que a Asociación para a defensa do Patrimonio Cultural Galego presentou alegacións que aínda non foron contestadas. A entidade lembra o valor ambiental, paisaxístico e de seguridade viaria das árbores nas beiras das estradas.

O campionato galego de caza terá lugar este sábado en Láncara e Triacastela, un dos lugares máis afectados pola explosión demográfica deste roeador, moi prexudicial para as colleitas e que ten no raposo un dos seus principais depredadores.

Entre febreiro e marzo presentarase unha ruta de sendeirismo que despois de pasar por varios castros remata na canteira na que en 1961 se produciu o achado. Ademais, dende hai meses dúas grandes esculturas lembran a presenza no lugar desta especie, pouco común na Península Ibérica.