Movementos sociais

"A onda reaccionaria está aí e a xente vese lexitimada porque os primeiros que lanzan discursos de odio están en postos de poder e nas institucións públicas", di Alas A Coruña. O Día do Orgullo LGBTIQ+ chega con máis medo na rúa: "Hai máis agresións e medo a que custen vidas", sinala Nós Mesmas desde Vigo. "Ser visibles é a nosa gran ferramenta de defensa", salienta a Rede Educativa de Apoio LGBTIQ+.

A marcha convocada pola APDR defendeu un ano máis "un futuro sen ENCE na ría". A entidade confía aínda en decisións xudiciais que impidan a prórroga concedida ata o ano 2073 polo goberno de Mariano Rajoy, inicialmente anulada pola Audiencia Nacional pero posteriormente recuperada polo Tribunal Supremo.

Un centenar de persoas entre colectivos, profesionais, institucións e diferentes administracións pasou polo Foro Identidades e Disidencias Sexuais do Consello da Cultura, coordinado por Carme Adán, para elaborar un documento que radiografía a situación do colectivo lgbti+ en Galicia e sinala os puntos urxentes nos que mellorar, sobre todo dentro das distintas Administracións públicas

O Instituto para o Estudo Avanzado da Sostibilidade selecciona unha ducia de "boas prácticas educativas" a nivel mundial sobre a produción e o consumo responsables. Entre elas figura unha galega, realizada polo Centro de Saberes para a Sustentabilidade, e que inclúe un libro infantil, unha obra de teatro, unha unidade didáctica e un documental

Compostela acolle este 15 e 16 de xuño a segunda edición do Cumio Galego contra o Discurso de Odio, un evento impulsado pola Coordinadora Galega de ONGD coa participación de expertas e activistas co obxectivo de "crear rede entre as iniciativas postas en marcha para difundir o discurso de defensa dos dereitos e a dignidade das persoas".

A Coordinadora Galega de ONG para o Desenvolvemento fai fincapé na importancia do apoio emprestado por algunhas administracións locais galegas, destacando particularmente o esforzo de concellos como Vigo, Santiago ou Lugo e deputacións como a da Coruña ou Pontevedra

O decálogo de propostas da Federación Ecoloxista Galega ás formacións políticas que concorren ás eleccións municipais fai fincapé tamén no aforro enerxético, nas producións agrogandeiras de proximidade e por moratorias locais para as plantacións de eucalipto

As entidades que forman parte de EAPN-Galicia pregúntanlles ás distintas formacións que concorren ás eleccións municipais: "Cantas vivendas se comprometen a facilitar na vindeira lexislatura?", "onde van estar situadas?" e "como pensan afrontar cada unha das problemáticas que afectan ao acceso á vivenda digna e accesible?

En vésperas de que a súa iniciativa lexislativa chegue ao Parlamento, SOS Sanidade manifestouse este mércores nunha vintena de localidades e volveuse desmarcar do pacto que puxo fin á folga "corporativa". Tras o desmarque de arredor de 300 médicos da área de Lugo, un manifesto de persoal ourensán coida que a folga foi desconvocada sen "abordar con seriedade" o "fondo dos problemas" no Sergas nin ter en conta "as necesidades dos pacientes"

Esta iniciativa de Educación Ambiental centrada na emerxencia climática terá como peche unhas xornadas que se desenvolverán en Pontevedra entre o 27 e o 29 de abril. Nelas participarán a cantautora Sés, a arquitecta Cristina Botana, a escritora María Reimóndez e a enxeñeira informática Laura M. Castro

O vindeiro sábado 15 de abril A Laxe (Fornelos de Montes) acollerá a primeira edición dun encontro que busca "dar a coñecer o rico patrimonio natural e etnográfico do Suído" e mostrar a súa oposición á "depredación eólica". Su Garrido, Antilia, Tino Baz, Tonhito de Poi, Anxo Angueira, Miriam Ferradáns, Silvia Penas ou Ana Fernández participarán na iniciativa impulsada pola Plataforma Sur Da Dorsal Galega

A Asociación Viguesa pola Memoria Histórica do 36 e a Asemblea Republicana de Vigo presentaron o documental Falando de Memoria, composto por 15 reportaxes gravadas noutros tantos espazos clave na represión que seguiu ao Golpe de Estado de 1936. Dende o Calvario ao cemiterio de Pereiró, a Volta da Figueiriña en Lavadores, o frontón de María Berdiales ou o lugar do afundimento do bou Eva.