A investigadora Estrella Ramil realizou un informe a partir das enquisas realizadas a 503 alumnos e alumnas e 74 docentes a través do proxecto Xeración Contrainfo da ONGD Agareso que revela que o 81% do alumnado que declara pertencer ao colectivo LGBT sufriu algunha agresión.
Existe un goteo constante de casos cos que se pretende crear unha alarma social arredor dun suposto uso fraudulento da lei trans, publicitados no marco dun crecente discurso do odio, que non son estatisticamente significativos a día de hoxe. "Estamos nun período de retroceso social a respecto do que é vivir sendo trans no Estado español a día de hoxe", lamenta a historiadora Daniela Ferrández. "Teño casos de persoas ás que se lles están a vulnerar os seus dereitos pedíndolles aínda informes de saúde mental no Rexistro Civil. Aí a lei trans está fallando, pero como a prexudicada é unha persoa trans parece que importa menos", conta o avogado Miguel Vieito
A Plataforma de Organizacións de Infancia de Galicia reclama unha gran auditoría do sistema de protección na Xunta para facer "unha revisión a fondo" e tratar de "desbloquealo". "Os problemas enquístanse e vanse agravando de tempo en tempo”, di Xesús Vilas, presidente da POIG
ONGs como Solidariedade Internacional, Ecos do Sur e Agareso veñen de poñer en marcha Galicia Abriga, que ofrecerá unha estadía de tres meses a mulleres de países nos que está presente a cooperación galega e que están vivindo situacións de risco físico e psicolóxico debido á persecución que sofren polo seu papel de defensoras de dereitos humanos
A asociación Defensor del Paciente recibiu 651 reclamacións en 2023 procedentes de Galicia, "a sexta comunidade máis denunciada". "Polas queixas que recibimos, constatamos que están manipuladas", di o colectivo sobre as listas de espera e o paso de pacientes ao rexistro "non estrutural", que non é público. As súas alertas chegan en vésperas dunha nova mobilización unitaria de SOS Sanidade Pública
A plataforma Chantada Quere Sanidade pon cifras mediante un inquérito ás principais reivindicacións de mellora da asistencia do Sergas nesta contorna do sur da provincia de Lugo
Milleiros de persoas chegadas de todo o territorio galego agruparon este mediodía as súas forzas en Compostela baixo o lema ‘Paremos o xenocidio. Galicia con Palestina’.
Catro Ventos publica As bicicletas si son para Galicia, un libro que percorre, en conversa con expertos, expertas e colectivos ciclistas, o uso da bici en Galicia, os avances que se están a producir en moitas cidades e vilas e as tarefas pendentes para promover a súa utilización. Falamos coa súa editora, Patricia Buxán, dunha obra pensada -sobre todo- para aquelas persoas que están dando o paso a empregar as dúas rodas para os seus desprazamentos diarios.
No Día Mundial das Montañas, que se celebrou este domingo, a A Coordinadora 'Eólica Así Non' convocou -baixo o lema “Defendemos as montañas contra os gobernos e especuladores”- seis mobilizacións en Amil (Moraña), A Fonsagrada, Lugo, Val do Dubra, Vilar do Barrio e Ortigueira, lugares nos que hai proxectos de instalación de parques eólicos.
Defensa do Común impulsou a mobilización, apoiada por medio cento de entidades. O manifesto que se leu ao pé do inmoble reclama ao Concello que presente unha demanda xudicial para acadar a súa devolución e esixe á Xunta que faga cumprir o réxime de visitas previsto na declaración BIC.
Mulleres e ademais negras, xitanas, con velo, lesbianas, maiores ou discapacitadas. Cando ao feito de ser muller engádese outra característica que se sae da norma poden darse novos casos de discriminación, que non se adoitan dar se diante do adxectivo vai a palabra home, e converten este colectivo en máis vulnerable. Unha xornada da UVigo afondou nas discriminacións múltiples.
O ‘Grupo Galego de vivenda colaborativa’, que acaba de ser formado, vén de participar en Santiago de Compostela na primeira xornada estatal impulsada pola cooperativa Perviure. Falamos con Miguel de la Peña, da cooperativa de cohousing Alvariza Colaborativas Compostela, sobre esta aposta por unha vivenda interxeneracional e que fomenta a autonomía.