Movementos sociais

"A miña meta é poñelo difícil para que nin haxa xente que se intente dedicar a isto, nin haxa mulleres que se vexan abocadas a este tipo de cousas porque teño visto as consecuencias de estar en prostitución moitos anos", salienta a avogada Ana María García Costas, que participa na XII Xornada da Rede galega contra a trata sexual

Proxecto Home fai trinta anos en Vigo e advirte de que a incidencia do consumo de drogas non diminuíu dende os anos noventa. Reclaman coordinación entre administracións públicas para que lideren unha campaña de prevención entre a mocidade. "Non podemos esquecer que os contactos con calquera tipo de conduta aditiva inícianse na adolescencia. Cun bo traballo a nivel preventivo pódese atrasar esa idade de inicio e así atopar menos problemas posteriores", destaca a presidenta da entidade, Ofelia Debén.

O Tribunal Europeo de Dereitos Humanos iniciou este mércores o xuízo contra varios países a raíz da demanda presentada por un grupo de rapaces que alegan terse vulnerado os seus dereitos pola falta de medidas contra o quecemento global. Os graves incendios de 2017 en Portugal inspiraron unha loita xudicial que pode supor un precedente histórico. 

A entidade viguesa naceu en 2007 como espazo de información sobre dereitos sociais. Pero fixo moito máis: traballou na visibilización e na denuncia das situacións de empobrecemento e serviu para artellar "respostas colectivas fronte ao capitalismo". Remata a súa actividade tras "uns últimos cursos con menor actividade e forzas" pero chama a atoparse en novos movementos: "sabedes quen somos e onde atoparnos"

Pode unha camiseta custar cinco euros e que a persoa que recolleu o algodón co que está feita reciba un salario digno? Pequenas marcas nadan nun océano de competidoras onde cada vez hai máis compradoras e compradores que elixen máis e mercan menos. "O importante é ir facendo cambios, por pequenos que parezan, para ir conseguindo melloras tanto social coma medioambientalmente", salientan no sector. 

Ecoloxistas en Acción presentou esta semana unha denuncia penal contra a Directora Xeral de Desenvolvemento Rural, sinalando que a instalación dun tubo de drenaxe na mina forma parte "dunha obra pública contratada pola Consellaría para o asfaltado dunha estrada local", o que podería constituír "un delito de malversación de caudais públicos e prevaricación"

"A onda reaccionaria está aí e a xente vese lexitimada porque os primeiros que lanzan discursos de odio están en postos de poder e nas institucións públicas", di Alas A Coruña. O Día do Orgullo LGBTIQ+ chega con máis medo na rúa: "Hai máis agresións e medo a que custen vidas", sinala Nós Mesmas desde Vigo. "Ser visibles é a nosa gran ferramenta de defensa", salienta a Rede Educativa de Apoio LGBTIQ+.

A marcha convocada pola APDR defendeu un ano máis "un futuro sen ENCE na ría". A entidade confía aínda en decisións xudiciais que impidan a prórroga concedida ata o ano 2073 polo goberno de Mariano Rajoy, inicialmente anulada pola Audiencia Nacional pero posteriormente recuperada polo Tribunal Supremo.

Un centenar de persoas entre colectivos, profesionais, institucións e diferentes administracións pasou polo Foro Identidades e Disidencias Sexuais do Consello da Cultura, coordinado por Carme Adán, para elaborar un documento que radiografía a situación do colectivo lgbti+ en Galicia e sinala os puntos urxentes nos que mellorar, sobre todo dentro das distintas Administracións públicas

O Instituto para o Estudo Avanzado da Sostibilidade selecciona unha ducia de "boas prácticas educativas" a nivel mundial sobre a produción e o consumo responsables. Entre elas figura unha galega, realizada polo Centro de Saberes para a Sustentabilidade, e que inclúe un libro infantil, unha obra de teatro, unha unidade didáctica e un documental

Compostela acolle este 15 e 16 de xuño a segunda edición do Cumio Galego contra o Discurso de Odio, un evento impulsado pola Coordinadora Galega de ONGD coa participación de expertas e activistas co obxectivo de "crear rede entre as iniciativas postas en marcha para difundir o discurso de defensa dos dereitos e a dignidade das persoas".

A Coordinadora Galega de ONG para o Desenvolvemento fai fincapé na importancia do apoio emprestado por algunhas administracións locais galegas, destacando particularmente o esforzo de concellos como Vigo, Santiago ou Lugo e deputacións como a da Coruña ou Pontevedra