Ourense

Fernando Rodríguez afondou no seu Traballo de Fin de Grao en Enxeñaría Forestal pola UVigo nas características dos incendios nesta zona, que a pasada semana volveu arder. Os incendios afectaron a varias das parroquias máis arrasadas dende o ano 2001..

A lei eleva o limiar da maioría absoluta no caso de que edís do grupo do alcalde asinen unha moción de censura para desbancalo, polo que o PP e os díscolos de DO non terían votos dabondo para destituír a Jácome nin aínda que Ciudadanos se sumase á alianza. PSdeG e BNG lamentan que o PP se "desentenda" da situación "insostible" propiciada tras a ruptura do seu bipartito con DO: "Déronlle a alcaldía a quen cualificaban de letal e agora abandonan o barco en plena tempestade"

En varios dos incendios foi preciso activar a Situación 2, nivel de alerta empregado cando están en risco zonas habitadas por mor da proximidade do lume. Cando menos cinco dos incendios desta vaga teñen xa a consideración de grandes incendios forestais por superaren as 500 hectáreas ardidas

Unhas 7.500 das máis de 7.600 hectáreas ardidas en apenas tres días localízanse en concellos da provincia de Ourense. Un destes incendios arrasou xa máis de 2.000 hectáreas do parque do Xurés e outros dous obrigaron a declarar a situación 2 durante a noite do domingo ao luns por poñeren en risco zonas habitadas e instalacións agrogandeiras

En Cualedro e Rairiz de Veiga foi preciso activar a Situación 2 pola proximidade das lapas a áreas habitadas e instalacións agrogandeiras e varios focos acadaron a consideración de gran incendio forestal por superaren as 500 hectáreas ardidas

Feijóo evidencia a súa vontade de empurrar a Jácome cara á dimisión dende a Xunta excluíndo o Concello de Ourense da súa oferta de "colaboración" fronte á pandemia; quen fora socio do bipartito co PP ata hai escasos días proponse resistir fronte a esta "discriminación nunca vista", que considera "de extrema gravidade"

O incendio con máis extensión localízase en Rebordechau, en Vilar de Barrio, onde ata media tarde do domingo arderan unhas 400 hectáreas

O xulgado condena a empresa a anular a mudanza na xornada laboral da traballadora, que tiña recoñecido o seu horario por sentenza de conciliación, e a indemnizala con algo máis de 6.000 euros. A CIG "celebra" a sentenza e subliña que "non estamos a falar dun caso illado nesta empresa"

Jácome di ser vítima dunha "trama" para forzalo a dimitir que comezou procurando meterlle "medo" cunha inminente detención "por corrupción" e asegura estar disposto a seguir adiante cun só concelleiro afín. "Estiveron comprando alcaldías e fixeron o mesmo cazando unha persoa de Democracia Ourensana da miña máxima confianza", acusa

Tras a denuncia ante a Fiscalía dos cinco edís que acusan a Jácome de xestión irregular dos fondos públicos e doazóns que recibe Democracia Ourensana, e a renuncia en bloque de todos os membros do PP, o goberno local de Ourense queda conformado só polo alcalde e outro concelleiro de DO. Ana Pontón (BNG) e Gonzalo Caballero (PSdeG) fan responsable a Feijóo dos feitos de Ourense e instan a PP e DO a deixaren paso a un goberno alternativo