Política

Aínda que considera incumpridas dúas directivas distintas, o que hai de fondo nas investigacións da Comisión Europea pola ampliación a Audasa e as concesións costeiras é o temor a que a Administración prime algunhas empresas de xeito inxustificado

Esta semana o Supremo condenou o antigo presidente de Pescanova a 6 anos de cadea, dous menos dos que lle impuxera a Audiencia, ratificando que cometeu delitos de falsidades nas contas, de falseamento da información económica e de alzamento de bens

As 8.550 prazas da convocatoria MIR de 2022 supoñen un 31% máis que na última da 'era Rajoy', durante cuxo mandato culminou un descenso de ata un 12%, e en Galicia as 620 prazas da última convocatoria son un 57% máis que hai media década

A Comisión Europea lembrou en 2021 ao eurodeputado popular pontevedrés Francisco Millán Mon que os procesos para outorgar ou ampliar concesións debían ser abertos e “promover a competencia leal”

O coordinador nacional de Podemos en Galicia e e candidato da formación ás  municipais en Ferrol asegura que a dirección que encabeza dende hai dous meses ten o obxectivo de que a formación traballe con "vocación de continuidade" alén dos procesos electorais. Asegura que as "políticas concretas" impulsadas por Unidas Podemos no Goberno de España dende 2019 poden "mobilizar voto" cara ao partido nun contexto no que confía no acordo coa plataforma Sumar, de Yolanda Díaz, para os comicios xerais deste ano.

Catro traballadores da Radio Galega e da TVG foron trasladados do seu posto de traballo de forma "inminente" e o comité intercentros da CRTVG considera que se están a "vulnerar todos os códigos éticos da profesión xornalística" 

Actuacións doutros departamentos en materia de recursos mineiros ou sanidade ligadas co sector serán agora coordinadas desde unha nova área de Turismo Termal

O Goberno galego contratou hai un ano a elaboración dun “centro de datos único e fiable” sobre residentes de centros da terceira idade e persoas con discapacidade que mellorase as “solucións de continxencia” previas e agora tramita o decreto co que imporá o seu uso

A Comisión Europea di que a Lei de Costas permite outorgar concesións ou amplialas “sen procedemento de selección aberto e transparente”, polo que “infrinxe a Directiva de servizos” de 2006 que vela pola libre competencia e o mercado único europeo

Pontón subliña que o Bloque ultima un plan de Atención Primaria que contempla dedicar a este servizo ata o 25% do orzamento sanitario, "o recomendado pola OMS", e os socialistas lembran iniciativas "rexeitadas polo PP" como fixar por lei un máximo de 48 horas de espera en Primaria. Os populares manteñen a súa campaña en redes sociais para culpar a Pedro Sánchez da carencia de persoal médico e reclaman á actual oposición que tras "capitalizar" e "manipular" a manifestación, se "envorquen en convencer" o Goberno de España