Política

A maioría das conmemoracións polo 40º aniversario do Estatuto e das primeiras eleccións consisten en sinxelos actos institucionais con xuristas ou algúns cargos da época, a maioría en horario de mañá, entre semana e en recintos pechados ao público xeral. Está a haber escasísimo oco para analizar os conflitos políticos e sociais da época e aínda menos para popularizar a conmemoración entre a sociedade

O activista pola paz e ex-coordinador de Lokarri cre que as últimas declaracións da esquerda abertzale aos dez anos do final de ETA supoñen chegar ás dúas ideas que son "mínimo común denominador" desde o que "afrontar a convivencia" en Euskadi: "O que pasou nunca debería ter pasado e non pode volver pasar".

A Audiencia da Coruña dille que estaba nas súas mans configurar mellor o seu correo electrónico ou revisar as mensaxes para poder contestar a un xulgado nun proceso que a administración admite que suporá un “grave dano ao erario”

Olalla Rodil (BNG) afirma que "cinco rapaces deste centro estiveron durante un mes sen escolarizar por falta de profesorado" e reclama unha investigación ao respecto. Política Social remítese a Educación, que asegura ter "garantido en todo momento o plantel de profesorado necesario para atender as necesidades educativas do centro"

Gonzalo Caballero pide o apoio para ser reelixido na secretaría xeral e "avanzar pola esquerda e da man das bases" no canto de "retroceder cara a outros modelos". Formoso defende que "os socialistas do século XXI non falamos de baronías" e asocia a Caballero cun "conformismo" que  "pode levarnos á irrelevancia"

A Xunta tira da lei de acompañamento dos orzamentos para excluír este cargo do límite de oito anos que teñen os membros destes órganos e que xa superaban os presidentes dos consellos sociais da UDC e da UVigo.

Feijóo indicou que entregou á ministra Ribera un informe sobre a eventual adscrición dos actuais terreos de Ence ao porto de Marín, posibilidade que o propio Ministerio xa desbotou e que a papeleira nin menciona na información aos accionistas sobre os seus plans de futuro

O Goberno galego reforma por novena vez a lei de incendios de 2007 tras prometer unha nova e admite erros e confusións en normas que el mesmo elaborou

O plan que financia equipamento, mobiliario e reformas en centros de saúde pasa de 27,4 millóns en 2021 a 7,6 millóns en 2022 e é clave na diminución global do orzamento de atención primaria; a Xunta incrementárao nos últimos anos tras case eliminalo na década pasada. Mentres,  as subas dos fondos para construcións, ampliacións e equipamentos de hospitais, con fortes inxeccións da UE,  manteñen a partida de atención hospitalaria no seu nivel máis alto