"Os seus votantes merecen un respecto e eu non estou disposto a arrecantalos", afirmou o reelixido líder do PP sobre un acordo coa ultradereita. O ex-presidente da Xunta tampouco se pecha a acordos cos partidos nacionalistas, agás Bildu. Promete baixadas de impostos e control da inmigración, pero abre a porta a manter moitas das medidas e políticas aprobadas polos gobernos progresistas, dende a suba do salario mínimo ao matrimonio igualitario.
Os socialistas van solicitar "un por un" todos os expedientes relacionados coa actividade da Sociedade Impulsa, participada polo Goberno galego nun 48,2% e da que xurdiu a iniciativa para a instalación da planta prevista en Palas de Rei. A través da deputada Patricia Iglesias alerta de "irregularidades e prácticas cuestionables" e demanda unha "estratexia contra a corrupción" na xestión da Xunta.
A Xunta alega agora para non amosar o acordo secreto con Altri que a presidencia de Impulsa Galicia é unha condición distinta á de titular da consellería de Economía aínda que ese cargo no Goberno galego implique automaticamente encabezar a sociedade que pactou coa empresa portuguesa
O presidente do Goberno do Estado pide "perdón" e descarta dimitir, sinalando que "a sombra do erro non pode facernos renunciar á nosa responsabilidade". O PSOE renova a súa dirección, na que Rebeca Torró entra como secretaria de Organización.
Dende este 3 de xullo a corporación comeza a aplicar os seus estatutos adaptados á nova lei dos medios públicos, aprobados o 19 de maio no Consello da Xunta presidido por Diego Calvo sen incluílo na súa referencia pública. A implantación oficial da nova denominación chega en vésperas do nomeamento da directora xeral, Concha Pombo, só cos votos do PP no Parlamento en virtude dunha excepción incluída na nova lei
O xerente da área sanitaria de Lugo remite unha circular aos centros de saúde para advertir de que "toda información que se pretenda difundir deberá requirir" a súa "autorización" e ordenar "retirar todos aqueles carteis que non se axusten" ás súas indicacións. O Sergas xa emitira unha prohibición semellante para toda Galicia en pleno conflito polo peche do paridoiro de Verín en 2020. En 2003, o gabinete de Fraga tentara frear pola mesma vía as protestas nos centros de ensino polo Prestige e a guerra de Iraq
O ex-presidente reproduce na dirección estatal do PP o que xa fixera en Galicia e sitúa na secretaría xeral a quen antes fora voceiro exercendo con precisión a encomenda de zoupar na esquerda con paus tan grosos como pouco pulidos. Unha das virtudes orgánicas de Tellado, iniciado politicamente no sindicalismo estudantil nacionalista e de esquerdas, é cumprir con exactitude o labor encomendado. Se cadra mesmo indo un chisco alén do solicitado, pero nunca quedando curto
O Goberno galego vén de agregar como xustificación para non amosar o acordo coa empresa portuguesa que o ex-conselleiro Conde o asinou como "negocio xurídico privado". "É lamentable poñer esa xustificación", di o secretario xeral do PSdeG para reclamar "amosar a todo o mundo que tipo de acordo secreto ten Altri co PP, con Rueda e coa Xunta"
Na Moncloa rexeitan ir a eleccións anticipadas e a dimisión do presidente: "Sería caer nunha trampa". A contorna de Sánchez sostén que ten o apoio da maioría da dirixencia e militancia para aguantar. "Ten que ser unha muller feminista", din varias fontes sobre o nome para a secretaría de organización, mentres as olladas se dirixen cara a varias dirixentes, entre elas a alcaldesa da Coruña
Rueda di, ante os achados da misión francesa, que "os sucesivos gobernos centrais deberían ter monitorizados" os bidóns, pero admite que a Xunta non se interesou ao respecto ata agora malia que hai sete anos o Parlamento aprobou por unanimidade que pedise ao Goberno de España, presidido polo PP, xestionar coa UE e outros Estados "asegurar a vixilancia dos vertidos nucleares na Foxa Atlántica"
Ante o balbordo xerado polo anuncio da Televisión de Galicia, os 'Mozos de Arousa' "aclaran" que só dous deles conducirán o novo espazo 'A superfesta' por mor dos "compromisos coa vida política" de Raúl Santamaría