As anpas dos colexios de Camponaraya, Cuatrovientos e Fuentesnuevas denuncian que o instituto adscrito en Ponferrada non ofrece galego como materia malia que ten opción a incorporalo ao programa impulsado pola Xunta e a Junta de Castilla y León.
Un total de 178 centros galegos contan co programa para libros dixitais, onde só as materias que deben ser impartidas en lingua galega contan con todos os materiais neste idioma.
Mercedes Queixas (BNG) advirte de que os peores datos se rexistran "nas mocidade que empezou os estudos co decreto do timo do plurilingüismo", nacido do "sometemento" do PP ao "xugo negacionista" de movementos como as "infelices manifestacións" que secundara o actual presidente Rueda. A iniciativa do Bloque para deseñar "un plan específico para superar o estancamento no uso do galego" recibiu o apoio do PSdeG, pero o "non" do PP impediu aprobala
O presidente obvia os datos agora desvelados de 2021 e remítese a un non comparable estudo do IGE de hai catro anos no que o galego aínda era a lingua maioritaria
A diferenza do último estudo lingüístico publicado polo IGE no 2019, no que o galego aínda aparecía como o idioma máis empregado, os datos do INE amosan que tanto no ámbito familiar, entre as amizades e no traballo, hai máis persoas que empregan o castelán "sempre" ou "frecuentemente".
Un estudo realizado con escolares, familias, profesorado, empresas de ocio e asociación deportivas da comarca de Santiago conclúe que nestes espazos se dan “condicións ambientais" que supoñen "presión sobre os e as galegofalantes que fai que adoptar o castelán sexa a opción máis cómoda e natural”. A RAG chama a atención sobre a reponsabilidade dos concellos.
Os populares rexeitan a iniciativa do BNG para impulsar un novo plan de normalización do galego nas aulas e acusan a formación nacionalista de "non deixar á marxe a súa visión pesimista sobre a lingua".
O proxecto socio-educativo Ao Son da Nosa Música elabora unha enquisa entre máis dun milleiro de escolares de entre 10 e 18 anos que revela que o 80% non escoita nunca ou case nunca música en galego.
A Real Academia Galega e o Concello de Ames presentan o Mapa sociolingüístico escolar da localidade, que detecta unha perda do 10% de galegofalantes iniciais no primeiro contacto co medio educativo. Na secundaria só o 11% do alumnado é galegofalante e outro 11% bilingüe, fronte a un 77% de falantes habituais de castelán, a maioría deles monolingües
O informe da Academia sobre o uso da lingua no final do ensino obrigatorio certifica a súa escasa presenza nos centros privados, onde o 95% do alumnado declara que o castelán é maioritario ou exclusivo nas clases.
Máis dun 35% do alumnado castelanfalante que remata o ensino obrigatorio ten escasa capacidade para a lingua galega, segundo un estudo da RAG, que advirte que "a titularidade do centro si discrimina nas competencias" no idioma.
O Comité de expertos da Carta Europea das Linguas Rexionais e Minorizadas alerta de que "o coñecemento xeral do galego parece diminuír" e sinala que "está presente só nunha fracción dos centros de educación infantil". Así mesmo, tamén pide medidas para asegurar que se pode utilizar nos procedementos xudiciais.