A iniciativa, de ámbito estatal, será levada pola Asociación Galega de Consumidores e Usuarios e podería presentarse no outono. Acusan á compañía de incumprir as condicións previstas nos contratos, con eivas no servizo que poderían ter incrementado os contaxios. Algunha das 30 residencias de DomusVi en Galicia tiveron as maiores cifras de infectados e mortes.
Na última semana abrollaron 89 novos diagnósticos da covid-19, cifra que contrasta cos máis de 500 que chegaron a rexistrarse nun só día durante o pico da pandemia. O número de persoas na UCI con test positivo de coronavirus queda en 5, o máis baixo dende o 12 de marzo. O Ministerio de Sanidade segue a "corrixir a serie histórica", que no caso galego é a única dispoñible ante a ausencia dunha do Sergas.
O ente provincial asinará contratos bianuais cos sete eventos agrupados na marca #RíasBaixasFest (PortAmérica, Atlantic Fest, Sinsal, SonRías Baixas, Revenidas e Vive Nigrán), co compromiso de que se celebren no 2021. Neste 2020 organizará actuacións para emitir a través de internet e concertos en espazos de capacidade reducida
Como na anterior precampaña electoral, cando viaxou á sede da empresa en París co coronavirus xa activo en Galicia, o presidente visita a fábrica viguesa de PSA mentres Macron anuncia medidas para potenciar en Francia "a produción de valor engadido" da compañía
O Goberno galego aprobará este venres o protocolo que busca que as eleccións se celebren en "condicións seguras". Proporá mecanismos para facilitar o voto por correo, solicitando que as persoas da terceira idade e vulnerables non teñan que saír da casa para exercer o sufraxio.
O novo decreto de medidas económicas e sociais aprobado este martes polo Goberno central amplía novamente a vixencia de diversas decisións tomadas para paliar o efecto da crise sanitaria
O Ministerio de Sanidad permite as actividades no exterior máis dunha vez ao día e elimina a restrición de seis metros desde a preamar que fixara previamente para calcular a capacidade dos areais
Menos dun terzo do alumnado de 2º de Bacharelato volve aos centros de forma voluntaria entre as críticas dos sindicatos, dúbidas do profesorado e división nas anpas. Confapa cre que o regreso no curso pre-universitario debeu ser total e Anpas Galegas considera "irresponsable" delegar nos centros as medidas de hixiene e seguridade
Na última semana abrollaron en Galicia apenas medio cento de casos novos da covid-19, segundo informa o Ministerio de Sanidade mentres a Xunta segue manexando o indicador dos "positivos activos", que descende nunha vintena e queda en 834 casos. O número de persoas na UCI con test positivo por coronavirus queda en 7 e son menos de dez por primeira vez dende o 16 de marzo
As praias da costa atlántica e cantábrica (a diferenza das do Mediterráneo) teñen grandes mareas, e o Ministerio de Sanidade insta a calcular o espazo dispoñible en base ao tamaño do areal coa marea alta, o que limitaría moito o acceso en moitos lugares de Galicia
O informe que autorizou o cambio de fase do 11 de maio, feito agora público, sinala que houbo entre un 7% e un 9% de casos de coronavirus sospeitosos en Atención Primaria aos que non se fixo proba de PCR