Coronavirus

O presidente da Xunta avoga por non contabilizar os e as menores de 10 anos e propón que as limitacións teñan en conta o número de fogares ou de unidades de convivintes que se xuntan e non o número de persoas que os integran. Dende o ámbito sanitario reclámase prudencia no relaxamento das restricións e recoméndase evitar os encontros en espazos interiores con persoas coas que non se convive.

Os positivos en residencias sociosanitarias son agora o 8% dos positivos activos, incluíndo o persoal, pero as mortes de persoas que vivían nestes centros son o 43% dos ligados á COVID-19 en Galicia. A Xunta anuncia "cribados semanais" e un "plan de choque" para estas instalacións

O Sergas suma 441 novos casos, un descenso a respecto da xornada previa malia á realización de máis probas PCR, e computa 3 falecementos, dous deles do pasado martes. A leve baixada aínda non se percibe con claridade nos datos xerais de incidencia a 14 días; por cidades, Pontevedra e Vigo seguen rexistrando as máis elevadas e Santiago e Ourense, as máis baixas

O Sergas suma outros 531 positivos e nove mortes máis a apenas dez días do horizonte marcado pola Xunta para avaliar se cómpre manter de maneira xeral as restricións impostas co obxectivo declarado de "resetear" o sistema sanitario e "salvar a campaña de Nadal". A incidencia acumulada a 14 días sitúase nos 266 casos novos por cada cen mil habitantes, pero con notables diferenzas por áreas e concellos mentres a hospitalización segue descendendo moi lentamente

O Sergas notifica 327 novos contaxios diagosticados por PCR. A incidencia da enfermidade segue a reducirse, aínda que se mantén a porcentaxe de probas positivas. O número de mortes ascende a 1.161, pero diminúe o número de camas ocupadas nos hospitais

Nas últimas 24 horas notificáronse unicamente 323 infeccións de Covid-19 diagnosticadas por PCR, o número máis reducido dende o pasado 14 de outubro. Baixa tamén a taxa de positividade e o número de camas ocupadas nos hospitais. 

Sanidade volve recorrer ao fondo de imprevistos para a "contratación dun servizo de 'call center' para o rastrexo" tras considerar suficiente o persoal dedicado a este labor, que xa aumentou na empresa de telemárketing subcontratada.

O número de positivos de coronavirus diagnosticados dos últimos sete días (3.701) en Galicia foi superior ao rexistrado nos sete días anteriores (3.543). 

As localidades cunha maior incidencia nos últimos 14 días son Beariz, Cabana de Bergantiños, Mos, Vilalba, Coristanco e Malpica de Bergantiños, todas por riba dos mil casos por cada 100.000 habitantes. Vigo (con 365) é a urbe cunha maior incidencia. 54 concellos non tiveron ningún positivo nas últimas dúas semanas

O número de mortes na segunda onda (513) achégase xa ás rexistradas na primeira onda da pandemia (619). A situación epidemiolóxica en Galicia segue a mellorar, pero faino dende hai varios días a un ritmo moi lento. A incidencia a 7 días apenas variou na última semana (pasou de 135,28 a 132,96). Descende o número de pacientes con coronavirus nos hospitais galegos.

O número medio de casos nos últimos sete días (517) foi lixeiramente superior ao da semana anterior (515), o que podería indicar un cambio de tendencia. O número de pacientes hospitalizados segue á baixa, pero mantense a suma de mortes provocadas pola enfermidade, que chegan ás 500 na segunda onda da pandemia.