Estes falecementos representan o 41% do total das 127 defuncións pola Covid que Galicia rexistrou nos últimos dous meses. A proporción é practicamente idéntica á da primavera, cando as 272 mortes nestes centros sumaron o 44% do total
O Goberno galego vén facendo referencia ás taxas acumuladas a 14, 7 e 3 días a nivel local, comarcal ou galego pero sen ofrecer datos concretos, que só se poden coñecer, para o conxunto de Galicia e só a 7 e 14 días, a través do Ministerio de Sanidade
Mentres o Goberno galego continúa a negarse a ofrecer detalles sobre o cadro de persoal encargado de rastrexar os contactos de persoas que dan positivo por COVID-19, profesionais que desenvolven este labor, contratados por unha empresa de telemárketing, advirten de falta de coordinación e erros "monumentais". "Moitos quedan sen avisar, outros son avisados tarde", aseguran. Falamos con varios deles.
Tras manterse na contorna dos 250 casos novos ao día durante boa parte de setembro, Galicia remata o mes encadeando tres días con menos de douscentos positivos por primeira vez dende agosto. Os falecementos son xa 740 tras outras catro mortes, tres delas na área ourensá
O "principio de acordo" con Madrid que aborda este mércores o Consello Interterritorial implica "limitar a mobilidade" en cidades con máis de 100.000 habitantes que superen varios limiares epidemiolóxicos. O pactado responde ao reclamado por Ayuso no sentido de que as restricións adicionais non sexan só para Madrid, aínda que actualmente todas as cidades que cumpren todas as condicións están só nesa comunidade. A Fegamp di que a Xunta accede a informar aos concellos dúas veces á semana, pero parcialmente
Falamos con Francisco Caamaño e Agustín Montes, profesores de Medicina Preventiva e Saúde Pública da USC, sobre a actual situación da pandemia, nun momento no que imos pasar máis tempo en espazos pechados, o que favorece os contaxios.
A media semanal de novos casos diarios descende ata os 219, a cifra máis baixa nun mes. Catro das cinco persoas falecidas, que elevan o total a 736, son da área sanitaria da Coruña. Os casos "activos" aumentan só na área sanitaria de Ourense mentres o total de persoas hospitalizadas con test positivo do coronavirus tende á estabilidade
O Consello de Ministros aprobará este martes a extensión dos expedientes de regulación de emprego temporal por mor da covid.
O efecto da fin de semana reduce as cifras de novas infeccións este luns, pero a tendencia en todo o mes de setembro é a unha redución do número de casos en Galicia. As áreas sanitarias da Coruña e Lugo seguen a reducir o seu número de casos activos
A última xornada, con dous novos falecementos, os dous ligados a residencias de maiores, e unha lixeira redución da hospitalización, foi a terceira consecutiva con máis de 6.000 probas PCR
Xa son 320 os usuarios afectados en once residencias de maiores, mentres nos hospitais aumentan os pacientes en UCI, ata 35, pero diminúen en planta, a 201
Galicia sumou 252 detencións e 45.503 propostas de sanción nos tres meses de vixencia do estado de alarma. Números importantes que, con todo, se sitúan moi por debaixo da media española. Tan só Euskadi iniciou menos procesos sancionadores que Galicia