O Sergas identifica uns 5 contactos por cada positivos detectado, o mellor resultado do Estado no rastrexo 'cara a adiante', mentres segue co peor no rastrexo 'cara a atrás'. O pasado xullo, a Xunta atribuíu a elevada porcentaxe de casos sen orixe identificada a un "problema" coa enquisa aos pacientes que, subliñaba, estaba a piques de corrixir
"Non hai mellor momento ca este para actuar coordinados e para iso, quen ten a información, que é a Xunta, ten que dala", subliña Fernando Suárez (BNG). A Fegamp, cuxo presidente se reúne este martes con Feijóo, a oposición parlamentaria e o Colexio de Xornalistas tamén veñen reclamando á Xunta a publicación de datos abertos e completos sobre a evolución da pandemia en Galicia
Galicia suma 254 novos casos do coronavirus, 117 deles na área sanitaria de Ourense, onde faleceron outras dúas persoas. Ao contrario que noutras fins de semana, o número de probas PCR procesadas cada día en Galicia continúa en máximos, con máis de 6.000 nunha soa xornada
Catro novos falecementos, todos eles fóra das residencias, elevan a 755 os rexistrados desde o comezo da pandemia
Xunto con Ourense, que tamén é a peor área canto á incidencia, os casos activos só aumentan lixeiramente en Santiago, mentres no resto descenden e se rexistran dous novos falecementos
O Sergas ratifica a esixencia de probas previas para os equipos que viaxen ao país logo de que as federacións do deporte español lle advertisen de que pode enviar a 'exilio' aos equipos galegos para evitar levalas a cabo.
Rexistránse 2.181 casos de coronavirus entre os profesionais dos centros sanitarios e sociosanitarios galegos. A maior parte tivo lugar entre marzo e abril, pero nos últimos meses seguiron producíndose infeccións, 439 máis dende o pasado 2 de xullo.
As restricións na cidade de Ourense pasan a ser as máis estritas para a liberdade de reunión dende a fin do confinamento ao que, advirte Sanidade, habería que recorrer se os contaxios non remiten. Galicia rexistra 206 novos casos da COVID-19 e outros dous falecementos.
Dende o comezo da pandemia, Galicia leva rexistrados uns 23.000 casos da COVID-19. O número de probas é unha diferenza clave entre ambas vagas; na segunda, case o 70% dos positivos detectados en Galicia non presentan síntomas e acumula 128 falecementos, fronte aos 619 da primeira
Sanidade muda o protocolo de adaptación á covid-19 nos centros de ensino e pon en marcha un circuíto específico para alumnado e profesorado. Feijóo recoñece a sobrecarga "que se está a producir na Atención Primaria".
A campaña #NONalíes, impulsada pola Universidade de Santiago e a Asociación Hostelería Compostela, chama a realizar un "ocio responsable" e lembra que a máscara só se pode quitar no momento exacto de consumir. "Sae da casa, pensa nos demais e non a líes", dise nun dos vídeos que se están a difundir
Este 30 de setembro foron procesadas en Galicia máis de 6.800 PCR; o día con máis probas na primeira vaga non chegou ás 4.200. A media semanal de casos novos descende dos 200 ao día por primeira vez dende finais de agosto; o Sergas destaca que un dos pacientes falecidos non tiña ningunha "patoloxía previa". A peor evolución continúa en Ourense.