A media semanal de casos diarios descende ata os 237 no segundo día da semana sen novos falecementos ligados ao coronavirus, pero increméntase a hospitalización. A tendencia da área sanitaria de Pontevedra-O Salnés segue a empeorar e o Sergas incorpora a Vilanova de Arousa aos concellos con restricións para tentar frear os contaxios
O Goberno galego comeza a reactivar os procesos, paralizados en abril, coas probas de funcionarización de persoal laboral, cun máximo de 300 persoas no exame máis numeroso, pero advirte de que "poderán ser modificadas por recomendación das autoridades sanitarias"
O efecto do gran número de altas provoca que os "positivos activos", indicador de referencia para a Xunta, sexan só un máis e queden en 4.461. Na última semana ingresaron case 170 persoas en Galicia con test positivo da COVID-19, segundo o Ministerio de Sanidade. A área sanitaria con maior incidencia de casos "activos" é a de Pontevedra-O Salnés, pero a peor evolución rexístrase na de Ourense
O conselleiro de Sanidade limítase, en resposta ao PSdeG no Parlamento, a afirmar que na central de seguimentos de contactos traballa un "número axeitado" de persoas que "se adapta ás necesidades que se producen en cada área" e insta a ter en conta que o rastrexo é un "proceso" complexo e non un "oficio" concreto
As restricións seguen "sen cambios" en Santiago, Silleda, Lalín, Lugo, Poio, Pontevedra, Vilaboa, Marín e Verín, así como no resto do concello de Ourense e nos barrios da Coruña onde xa estaban vixentes. O Goberno galego continúa sen publicar datos da evolución da pandemia a nivel municipal ou comarcal
A residencia Nosa Señora do Viso, en Lobeira, suma 61 novos positivos entre residentes e membros do cadro de persoal. Outros 23 correspóndense co centro Ballesol de Oleiros, nunha xornada sen novos falecementos rexistrados e con máis de 5.000 probas PCR, no que os novos casos equivalen a menos do 5% do total de test realizados
O presidente da Xunta atribúe ao PP “o difícil” de iniciar o curso escolar, lembra que gañou as eleccións e di que “o Goberno en España se desentendeu da pandemia”. “Cada vez que se lle fai unha crítica ao seu Goberno o que non pode é atacar aos profesionais, é deshonesto”, censurou a líder do BNG
Nas últimas 24 horas foron 221 as novas infeccións detectadas, aínda que a situación hospitalaria mantense estabilizada, cun 3% das camas ocupadas con pacientes de coronavirus. A área sanitaria de Pontevedra rexistra a maior incidencia da enfermidade no noso país.
Os populares defenden que malia ao "dramático da situación", os falecementos nas residencias en Galicia "non se produciron aos niveis da media" estatal, e que unha comisión de investigación non sería "construtiva". Pontón ábrese a reformular a comisión de investigación -que si apoiou o PSdeG- nunha comisión de estudo se vai encamiñada a que "o dereito á vellez digna non sexa un negocio nunca máis"
A campaña de vacinación comezará o 12 de outubro e terá unha duración de 12 semanas. A Xunta anuncia que "redobrará os esforzos" para conseguir unha cobertura superior ao 75% entre a poboación maior de 65 anos, entre a que o pasado ano se vacinou un 60%. Quérese evitar unha maior saturación do sistema sanitario e que a influenza empeore ou enmascare os síntomas da Covid-19
Os datos deste luns, tras a habitual caída de notificacións da fin de semana, sitúan en 194 os novos casos positivos da última xornada, por baixo dos 200 por primeira vez en dúas semanas