Os sindicatos do ensino acusan a Consellería de suspender a chamada de docentes substitutos, agás excepcións, desde o 30 de novembro. Á non cobertura de baixas súmase a non prolongación do programa ARCO e o remate da estadía nos centros de perto de 400 docentes de reforzo
Anpas, profesorado e sindicatos denuncian que Educación busca "aforrar" evitando chamar persoal substituto que estaría contratado en vacacións. A Consellería retruca dicindo que se cobren "con grande axilidade".
Olalla Rodil (BNG) afirma que "cinco rapaces deste centro estiveron durante un mes sen escolarizar por falta de profesorado" e reclama unha investigación ao respecto. Política Social remítese a Educación, que asegura ter "garantido en todo momento o plantel de profesorado necesario para atender as necesidades educativas do centro"
As familias deste colexio de Vigo, que acolle alumnado de 16 concellos, reivindican a necesidade dunha praza "clave" e demandan que se recupere ante a negativa da Xunta, que considera que o seu labor pode ser realizado por un administrativo.
Foanpas, que aglutina máis de 80 asociacións de nais e pais de centros educativos da cidade e comarca, inicia este xoves mobilizacións ante a escaseza de docentes, sobre todo na atención a alumnado con necesidades especiais.
Ducias de centros educativos acollen acotío dende hai semanas mobilizacións de familias, alumnado ou docentes que protestan polos recortes en profesorado e recursos. A Valedora investiga xa o caso do CEIP Rosalía de Castro en Carril, onde familias demandan máis persoal para a atención de seis nenos con necesidades educativas especiais
Familias e alumnado colgan globos en varios centros para denunciar que están "a piques de estoupar" pola redución de profesorado e a especial afectación nos pequenos con necesidades específicas de apoio educativo.
Só 9 dos 30 alumnos e alumnas do CEIP de Baamonde, pechado este curso por iniciativa do Concello de Begonte, trasladáronse ao colexio do centro da localidade. Do resto, a maioría optou por outra escola rural, en Parga (Guitiriz), pero boa parte das familias non pode acceder ao transporte escolar e deben trasladar os seus fillos e fillas en coche.
Os sindicatos denuncian a redución de medio milleiro de mestres e mestras debido ao aumento do número de alumnos por aula. A distancia mínima nas clases pasa a ser de 1,2 metros, pero seguirá a ser de 1,5 metros nas zonas comúns e nos recreos (onde se poderán mesturar grupos distintos). Os contaxios no grupo de 12 a 19 anos están no seu nivel máis reducido dende xuño
A entidade critica que a Rede Galega de Acompañamento e Orientación persoal e familiar non conta con persoal especializado e sinala que o profesorado "non pode nin debe asumir estas funcións, dado que non conta nin coa formación nin coas ferramentas necesarias para levalas a cabo"
O conselleiro Román Rodríguez xa advirte da "translación ao cadro docente" da redución da distancia interpersoal entre alumnado de 1,5 a 1,2 metros e aclara que só se decidirá sobre se reforzar ou non o persoal cos datos definitivos do curso.
Alumnado da escola unitaria de Luaña, pechada o pasado ano, trasladouse coa súa mestra a outra escola unitaria próxima, a EEI de Sabaxáns, na que agora pode pechar unha das súas dúas aulas. Quedaría unha única aula con 18 alumnos dos tres cursos de Infantil xuntos