Vázquez Almuíña comprometeuse ante unha representación dos 25 xefes de servizo dimitidos a atender parte das súas demandas para evitar a sobrecarga de traballo e as situacións de saturación. Os sindicatos evitan valorar as propostas ata coñecelas con detalle.
A Asociación de Pacientes e Usuarios do Clínico de Santiago cre que a doutora Nercellas, que levou á Fiscalía os dous falecementos, padece "un linchamento institucional por esixir responsabilidades a quen poñen en perigo a vida dos pacientes"
O presidente acudiu á comisión sobre os recortes na sanidade para denunciar o que considera unha "premeditada descualificación global" do Sergas por parte da esquerda para "destruír" o sistema sanitario público
O novo modelo de contratación que pretende dar estabilidade aos médicos sen praza é asinado polo Sergas e catro sindicatos, pero rexeitado por CIG, CCOO e un novo colectivo de persoal afectado, que suma case 400 apoios e prepara xa mobilizacións. "Non seremos escravos", din.
A doutora que levou á Fiscalía as dúas mortes no Clínico de Santiago avisou tres veces durante aquela xornada da "situación moi preocupante" polo colapso e pediu "tomar medidas". "Non se fixo nada do solicitado", queixábase nos 'mails' aos que tivo acceso Praza.
Máis do 90% dos profesionais que participaron na consulta votan en contra da última oferta do Sergas e manteñen as mobilizacións esixindo máis medios. A médica que levou á Fiscalía a morte de dúas persoas ratifícase na súa denuncia ante as duras críticas da Xunta.
Fátima Nercellas, delegada de persoal que levou á Fiscalía a morte de dous pacientes que agardaron de máis nos corredores, explica o "estrés" que os profesionais sofren e denuncia o desleixo do Sergas e a Xunta ante as demandas de melloras asistenciais.
A doutora Fátima Nercellas revela na comisión organizada pola oposición no Parlamento sobre a sanidade o traslado á Fiscalía destes dous falecementos, acontecidos en pleno colapso do servizo do pasado 2 de xaneiro. O persoal enviou ata "tres alertas" do que estaba a pasar, afirma. O Sergas nega "rotundamente" que doentes falecesen nos corredores.
Tras dous meses de folga co 100% dos servizos mínimos e en vésperas de votar a proposta do Sergas o persoal das Urxencias do CHUS reitera que "non pide cartos", senón o "mínimo necesario" para unha atención "digna"
300 profesionais de Atención Primaria responderon a unha enquisa da Asociación Galega de Medicina Familiar e achegan o seu diagnóstico e solucións para a situación de sobrecarga do sistema sanitario