Traballadores do transporte sanitario ratifican en asembleas, co 80% dos votos, o documento económico, pero advirten de que a protesta reactivarase de haber "novos bloqueos" e que o conflito non quedará pechado ata que se asine "definitivamente" o novo convenio.
O socialista Abel Losada censura o gasto doutro medio millón en rótulos coa lenda "hospital público" en plena vaga de protestas de persoal e usuarios do Sergas. A Xunta xustifica a instalación dos rótulos en dez hospitais para "mellorar a visibilidade" destes centros
Representantes sindicais e patronal acordan un texto pendente de ratificar nas asembleas tras case sete horas de reunión. O documento contempla unha suba salarial do 4% a partir do vindeiro mes de novembro, un incremento que chegará ao 12% en 2022.
Os máis de 500.000 euros que Sanidade vai gastar nos novos rótulos de "hospital público" súmanse aos 150.000 que xa destinou á mesma finalidade a finais de 2017. Serán instalados en hospitais das áreas de Santiago, Vigo, Ourense e Pontevedra
O colectivo de eventuais 'Precarias pola atención primaria' rexeita o chamado contrato de continuidade que aprobou o Sergas ao crer que pon en perigo o modelo asistencial baseado en que os pacientes sexan atendidos polo mesmo médico. O colectivo sumarase á folga xeral, do 9 ao 12 de abril, que tamén apoian os xefes de servizo xa dimitidos de Vigo.
A Coordinadora Galega propón a convocatoria do paro e asegura que "vai adiante", aínda que espera o apoio dos principais sindicatos. Insiste na demanda de máis orzamento e persoal, contratos estables e dignos, negociación do conflito dos PAC e unha xerencia propia.
O conselleiro Vázquez Almuíña admite que, "debido á crise", a partida do plan de necesidades para os ambulatorios foi case nula e destaca que agora se vai triplicar, logo que fose recortada durante seis anos pola Xunta.
O sábado rexistrouse o cuarto colapso no que vai de ano do Punto de Atención Continuada (PAC) de Vigo, situado no antigo Hospital Xeral, motivado polo desprazamento dun facultativo para cubrir unha baixa noutro centro da área sanitaria
Os xefes de servizo da área de Vigo volveron abandonar a reunión co Sergas ao non aceptar os directivos da xerencia como interlocutores. Falamos cun deles sobre o anuncio do novo plan de necesidades para Atención Primaria e sobre o modelo impulsado pola Consellería.
O conselleiro de Sanidade anuncia que triplicará os fondos do plan de necesidades para os ambulatorios tras un descenso de até case o 100% entre 2011 e 2017. O goberno bipartito investiu máis nesta partida en catro anos que o Executivo do PP nos últimos dez
Sanidade publica ofertas do novo contrato para eventuais en diarios lusos para atraer facultativos de familia e pediatras ante a escaseza deses especialistas en Galicia. O país veciño teme unha fuga de profesionais sanitarios novos ante a importante diferenza salarial.
O Colexio Oficial de Traballo Social de Galicia considera o borrador un texto “superficial, inconcreto e lesivo para as persoas usuarias” e cre que "non afonda nun reforzamento real da Atención Primaria senón que é máis ben unha cuestión de maquillaxe”