Ana G. Liste

Co que cantaban, as cantareiras reivindicábanse de maneira grupal. Entendíanse e mostraban un compañeirismo que pon a proba a nosa mirada sobre elas. Paula Carballeira, María Lado, María Jorge da banda Caldo e Anxo Iglesias comparten o seu enfoque da poesía popular oral no Día das Letras Galegas

Antón Santamarina é autor, xunto a Dorothé Schubarth, do Cancioneiro popular galego. Ten parte de responsabilidade na decisión da Academia e confesa que nunca antes viu tanto entusiasmo arredor da celebración das Letras Galegas como este ano, dedicado á poesía popular oral e ás cantareiras. Lingüista especializado no ámbito da lexicografía, catedrático emérito da Universidade de Santiago de Compostela, académico na Real Academia Galega e membro do Instituto da Lingua Galega; sen as súas achegas sería impensable estar festexando estas Letras

O Movemento Galego da Saúde Mental sinala que "o nivel de renda volve a confirmarse como un dos determinantes no acceso a tratamentos" de saúde mental, sendo a opción farmacolóxica a máis frecuente canto menos medios se posúen. Para o Colexio Oficial de Psicoloxía de Galicia o informe do Consello de Contas sobre o caducado plan de saúde mental da Xunta confirma a necesidade de incorporar a figura do psicólogo ou psicóloga educativa a todos os centros de ensino "de xeito estrutural"

"Cada día aprendo máis cousas sobre a función da música na nosa cultura, da súa utilidade e os beneficios que trae para cada persoa que a escoita e a goza", confesa o músico Richi Casás, neto e sobriño das cantareiras de Cerceda, Rosa e Adolfina Casás, que se encargou de crear unha banda de música especialmente para o Concerto das Letras que organiza o Consello da Cultura Galega este ano en Carballo

Sophie non é o meu nome de guerra é un berro creativo de Roberto Pascual, a súa ópera prima como dramaturgo tras dirixir a MIT de Ribadavia entre 2009 e 2024. As actrices Alixa Ladson e Camille Hedouin protagonizan a montaxe, que dirixe Laura Míguez. O Teatro Colón da Coruña acollerá o venres 23 de maio, ás 20.00 horas, a estrea deste espectáculo de Redrum Teatro financiado pola Deputación da Coruña

Oriana Méndez, Oliver Laxe, Castillo Suarez, Maria Sevilla, Gonzalo Hermo e Juan Andrés García Román son os protagonistas desta edición

A socióloga María José Andrade Suárez, o psicólogo experto en adiccións Antonio Rial Boubeta e a psicóloga clínica especializada en emerxencias Ana María Núñez axúdannos a debullar a nosa dependencia da electricidade, como enfrontar o sucedido este 28 de abril e cales son as cuestións máis pertinentes sobre as que reflexionar agora que sabemos que algo así pode volver a suceder.

Alfonso Zarauza fai trinta anos dedicado ao audiovisual cunha celebración tripla: as súas películas e curtametraxes pódense ver de novo en pantalla grande na sala Numax en Santiago, unha exposición percorre a súa carreira na Zona C de Compostela e recibirá o Premio Pedigree de Honor do Festival de Cans na súa XXII edición que se celebra do 20 ao 24 de maio

Di María Álvarez Landesa que cando chega a dor, ficamos espidas. A poeta e profesora publicou na editorial Alvarellos un poemario que acompaña a enfermidade terminal da súa nai, Os pozos elegantes das clavículas. O libro é finalista nos Premios Follas Novas, que se entregan este sábado, e sobre el conversamos coa viguesa nunha terraza fronte ao mar

Desde a ONG manteñen que os recursos melloraron, pero reivindican "moita máis prevención" para evitar que determinados casos se "cronifiquen". "En Igaxes non só estamos as psicólogas, tamén traballamos con educadoras e traballadoras sociais para abordar os casos dunha maneira máis ampla", salienta Cristina Allo

Unha ollada feminista sobre a cultura tradicional galega uniu a Laura Varela, Iria Villares e Vanesa Siso, que se marcaron o obxectivo de recolocar o foco para ver de onde parte a tradición e quen foron as súas iniciadoras e mantedoras. O resultado é o documental 'Lévame a idea', no que participan Teresa dos Cucos, Felisa Segade, Sés, Mercedes Peón, Beatriz Busto, Branca Villares, Lupe Blanco, Xiana Lastra e as Lilaina, entre outras

O equipo de investigación que lidera o arqueólogo do CSIC Alfredo González-Ruibal estivo escavando en Somalia entre xaneiro e febreiro, en pleno enfrontamento dos Estados Unidos co ISIS na zona. Estudan a interacción entre as poboacións nómades do primeiro milenio despois de Cristo ao longo dos territorios do leste do Corno de África, e a relación destes nómades co resto do mundo