Ana G. Liste

Os cineastas Eloy Domínguez Serén e Samuel Moreno Álvarez presentan o filme documental 'Al otro lado del mar', a súa correspondencia filmada entre Galicia e Colombia que se vén de presentar no Festival de Xixón

A plataforma de sanitarios de Nunca Máis reclamou un estudo epidemiolóxico para coñecer os efectos do chapapote nas persoas que o recollían, as administracións non o promoveron ata catro meses despois do naufraxio, cando a maior parte xa fora retirado. Aínda así, as persoas voluntarias que non eran fumadoras naquela altura mostraran un incremento de substancias potencialmente canceríxenas na súa ouriña relacionado coa maior exposición ao chapapote

Clara López ten 18 anos e é bailarina. Baila desde a cadeira de rodas coa que se move polo mundo pola súa parálise cerebral e participa no Festigual da Coruña coa peza 'Non me toques o segredo', dirixida por Carlota Pérez

SOS Sanidade Pública acusa o Sergas de ser "incapaz" de "planificar e xestionar" a atención primaria e prepara unha gran mobilización para o mes de febreiro de 2023. Mentres, o 30 de novembro convoca concentracións en toda Galicia para apoiar as medidas que levarán ao Parlamento

O secretario de organización do PSdeG confirma a suspensión das primarias en Ourense e que Francisco Rodríguez será o candidato nas municipais. "Foi o mellor alcalde de Ourense dos últimos vinte anos, toda unha referencia para a xente progresista de Ourense, para a xente que quere que Ourense mire cara a adiante e sexa capaz de progresar e saír do pozo no que está metido", asegura José Manuel Lage

"Empezouse collendo eses cachos, como se foran talladas, coas mans". Os primeiros en recoller o chapapote foron os mariñeiros. Na Arousa saíron centos de embarcacións a pesar do mal tempo, pero na Costa da Morte "na primeira marea negra non deu tempo absolutamente a nada”.

'A festa equivocada' é unha escolma de artigos de opinión de Fran P. Lorenzo publicados nos primeiros anos dous mil no xornal Galicia Hoxe, que agora recuperan as editoras Carlos Meixide e Berta Dávila desde a súa editora indecisa Rodolfo e Priscila.

Dos centros de saúde aos hospitais, pasando polos PAC, as consultas de Pediatría están desbordadas coa volta da temporada de virus respiratorios que comezou en outubro. Unha "novidade" desde a pandemia da COVID-19, pois explican que os virus respiratorios que afectan ás crianzas volven circular con maior intensidade, é o caso da gripe A e do virus sincitial respiratorio

'Fuxan os Ventos. 50 anos de historia' é a exposición inaugurada en Lugo coa que o mítico grupo reúne a súa historia, parella á de Galicia, con máis de 500 actuacións documentadas, cancións que non pasaron a censura e anécdotas como as que lembran para Praza Tereixa Novo e Pedro Lucas

"En Galicia hai moita máis empatía e humanidade que en moitos outros sitios". O pianista James Rhodes é un declarado admirador do noso país. Un entusiasmo que se percibe desde o comezo desta conversa con motivo da súa actuación no ciclo Noites do Porto da Coruña o domingo 23, na que tocará por primeira vez un repertorio íntegro de Chopin.

Espectáculos como 'Freak', 'Impalpable' ou 'Pequenas mentiras para contar grandes verdades', que se representan no Festival Internacional Outono de Teatro de Carballo, teñen en común equipos con maioría de mulleres nos que se fala do traballo da actriz en primeira persoa, das mulleres que loitaron contra o illamento do rural e dos límites que pór nas interaccións sexo-afectivas

É a primeira vez que os Encontros para a Normalización Lingüística, organizados polo Consello da Cultura Galega desde hai 24 anos, se centran nas artes e na cultura. Xosé Antonio Touriñán, Elena Ferro, Alba Cid, Ángeles Huerta ou Yoseba Muruzábal son os "terapeutas emocionais" que abren un debate que está nos teatros ou nas prazas de abastos, non só nas facultades