- A Nave de Vidán 18F Eleccións galegas
- Política Santiago
O resultado histórico do BNG apuntala o liderado de Pontón aínda que non abonde para o cambio
"Hoxe non acaba nada, estamos máis preparadas que nunca", asegurou Ana Pontón na súa primeira valoracións dos resultados electorais do BNG. 467.074 galegas e galegos colleron a papeleta do BNG nestes comicios do 18F, 155.734 máis que hai catro anos. Un fito histórico para a formación nacionalista, que supera o seu teito electoral e mantense como segunda forza política no Parlamento.
- Pavillón das Fontiñas 18F Eleccións galegas
- Política Santiago
O PSdeG promete un goberno con máis emprego e conquistas sociais e pecha filas con Besteiro
"Desde fóra sempre vemos a Galicia como unha sociedade profundamente progresista, que non se resigna ao inmobilismo, que sempre quere máis", salientou Pedro Sánchez no peche de campaña do PSdeG, que encheu o pavillón das Fontiñas en Santiago. "A papeleta do PSdeG é a do cambio seguro garantido", asegurou Besteiro
"A literatura infantil e xuvenil é para todo o mundo, as barreiras están na outra que chamamos de adultos"
Leticia Barbadillo gañou o Premio Merlín 2023 de Literatura Infantil da editorial Xerais con A botella de lentellas. Unha historia que non foi escrita pensando nas crianzas e, de feito, está a espertar simpatías entre o público adulto. A novela era un agasallo para Maruja, a súa avoa materna, que lle fixo a que para ela é a mellor crítica: "Rin, chorei, é como na vida", dixo.
30 segundos de viaxe no HALO: "Vainos axudar moito no día a día"
A nova infraestrutura permite salvar nuns trinta segundos o desnivel de preto de 50 metros que existe entre as rúas Serafín Avendaño e a praza de Vialia, sobrevoando o vial da autoestrada AP-9 e a estación de autobuses
- Auditorio Mar de Vigo 18F Eleccións galegas
- Política Vigo
"Aquí está o pobo unido para gañar": Pontón amplía expectativas en Vigo e pide "unir" o voto do cambio na papeleta do BNG
"Esta é a clave da campaña: unir a todas as persoas que queren construír unha Galiza mellor, na papeleta do BNG", salientou a candidata do BNG nun Auditorio Mar de Vigo con máis dun milleiro de persoas
- Entrevista | Marta Lois 18F Eleccións galegas
- Política
"Queremos que o próximo goberno progresista galego sexa de mulleres"
"Os galegos e galegas deben lembrar como o 23 de xullo paramos os pés a Abascal e a Feijóo", advirte a candidata de Sumar Galicia, Marta Lois, que avanza que o 18F chegará unha "primavera adiantada" a Galicia cun goberno progresista "a tres" na Xunta
Sen marxe para cubrir a Pediatría nos centros de saúde: "É moi complicado cambiar a situación sen máis persoal"
"O problema máis importante é que non son nenos do teu cupo e non os coñeces igual. Aténdelos o mellor que podes pero non están sendo sempre atendidos polo mesmo profesional, que é o peor cara á poboación", critica unha pediatra de Ribeira, que explica a Praza.gal como se cobren as ausencias sen substitutos en Pediatría
Pontón quere investir o 2% do orzamento en Cultura e impulsar unha lei galega de dereitos culturais
"Se podemos falar dunha cultura galega é porque temos un idioma noso que nos permite falar de ti a ti co resto de culturas do planeta", afirmou a candidata do BNG á Presidencia da Xunta, Ana Pontón, nunha conversa este sábado en Santiago co escritor Carlos Callón, a escritora Berta Dávila, o actor Monti Castiñeiras e o músico Mondra na que avanzou que o seu goberno destinará o 2% do orzamento a investir en cultura
- Entrevista | Iria Aldegunde
- Cultura
"Quería centrarme no mundo interior de Balbino"
"Alégrome de que gustase, era un dos maiores medos que tiña ao ser un libro tan respectado e querido", conta Iria Aldegunde (Santiago de Compostela, 2000), a autora da adaptación á novela gráfica de 'Memorias dun neno labrego', a novela capital de Xosé Neira Vilas. Fernando Redondo, sobriño do autor e presidente da Fundación Neira Vilas, transmitiulle á compostelá que ao seu tío teríalle gustado ver este cómic que agora edita Galaxia rematado.
Unha multitude volve responder á chamada de SOS Sanidade Pública e esixe reverter a situación "crítica" no Sergas
Ducias de colectivos e as principais forzas políticas da esquerda secundan unha protesta na que a plataforma convocante asegura que a radiografía da sanidade pública galega amosa "a última fase do seu desmantelamento", co acento en aspectos como centros de saúde e PACs “inaccesibles e masificados”, falta de pediatras ou esperas de semanas para acceder á Atención Primaria
- Reportaxe
- Movementos sociais
Colapso no sistema de protección de menores: "Chegou o momento de priorizar a infancia"
A Plataforma de Organizacións de Infancia de Galicia reclama unha gran auditoría do sistema de protección na Xunta para facer "unha revisión a fondo" e tratar de "desbloquealo". "Os problemas enquístanse e vanse agravando de tempo en tempo”, di Xesús Vilas, presidente da POIG
- Entrevista | Fernando Ramallo
- Cultura
"É moi lamentable que unha sociedade do século XXI teña prexuízos lingüísticos"
O libro 'Que pasa co galego? 32 preguntas sobre a situación social da lingua', publicado por Edicións Xerais, está escrito polo catedrático de Lingüística Xeral da Universidade de Vigo Fernando Ramallo, que formou parte do Comité de expertos da Carta europea para as linguas rexionais ou minoritarias do Consello de Europa, pero diríxese ao conxunto da sociedade que convive coa lingua. Nel atópanse cuestións como o uso do galego nas redes sociais, o bilingüismo, a relación coa Lusofonía, a intelixencia artificial, os dereitos lingüísticos ou a influencia do capitalismo sobre a lingua galega