David Lombao

O xeneral golpista quedou co pazo o 5 de decembro de 1938, cando llo entregou a 'Junta Pro Pazo del Caudillo', culminando a operación financiada con achegas económicas forzosas. Os herdeiros de Franco din estar dispostos á entrega mentres non se resolve o seu recurso. Non obstante, a xuíza advirte de que "se non proceden á entrega voluntaria" o día fixado, a Policía procederá "ao inmediato desaloxo"

Sanidade suma 666 novos casos do coronavirus, 639 diagnósticos mediante PCR, e a incidencia acumulada a 14 días descende por primeira vez dende hai un mes. A porcentaxe de probas PCR positivas segue na contorna do 8% e destaca a suba de positividade na área de Lugo, afectada polo brote detectado na residencia de maiores de San Cibrao

A Xunta aceptou, tras catro meses, remitir ao Parlamento a segunda parte do seu estudo de seroprevalencia do coronavirus, á que tivo acceso Praza.gal. Estima que apenas un 1,2% da poboación galega estivera exposta ao virus e inclúe unha conclusión dunha única frase: "O valor da prevalencia da positividade en Galicia é tan baixo que non se pode contar con practicamente ningunha protección derivada da inmunidade de grupo"

Os populares reciclan o discurso da "imposición lingüística" para rexeitar o texto pactado no Congreso que "garante o dereito" do alumnado a "recibir ensinanzas en castelán e nas demais linguas cooficiais" por non se referir ao castelán como "lingua vehicular". Preguntado pola parte concreta do texto que rexeita, o 'número dous" do PP galego retruca que o que "queda claro" son as "intencións reais" da reforma

O Sergas suma 685 novos diagnósticos mediante PCR e un total de 722 novos casos. A incidencia acumulada a dúas semanas sitúase nos 340 e é a maior dende o comezo da pandemia. Cinco das 9 novas mortes computadas por Sanidade son de persoas que viviran en residencias de maiores, tres das cales faleceron nos propios centros. O número de persoas ingresadas nos hospitais galegos con test positivo xa se achega ás 600

Todas as versións do protocolo educativo aprobadas pola Xunta ata agora ordenaban "non acudir ao centro" a estudantes ou persoal que convivisen con persoas "sospeitosas de padecer" a COVID-19 ata que o eventual positivo fose desbotado. Máis de 600 centros de ensino en Galicia suman 1.256 positivos do coronavirus  e un colexio de Vigo ten 9 aulas pechadas por esta razón

O Sergas suma 760 novos casos da COVID-19 e outras sete mortes mentres o ritmo de novas probas volve a máximos da pandemia. A incidencia acumulada a 14 días segue por riba dos 300 casos novos por cada 100.000 habitantes no global de Galicia e a positividade media das probas PCR, na contorna do 8% porque as baixadas nas áreas de Ourense e Santiago nos últimos días contribúen a amortecer os empeoramentos noutras

Os novos confinamentos perimetrais entran finalmente en vigor ás cero horas do sábado, 7 de novembro, e a referencia para o seu remate é o 4 de decembro. As novas restricións xerais para toda Galicia están vixentes dende o 5 de novembro. Os peches nos 60 concellos con medidas reforzadas atinxen á hostalaría e outras actividades vinculadas ao lecer

As 563 persoas hospitalizadas, 80 delas na UCI, supoñen outro máximo na segunda vaga da pandemia. O Sergas suma 644 novos casos do corononavirus e o total de falecementos ligados á doenza sitúase en 951 tras rexistrar sanidade outras sete mortes

Nos concellos afectados polas medidas reforzadas, que Feijóo xustifica pola necesidade de "resetear" o sistema sanitario e "salvar a campaña de Nadal", terán que pechar todos os locais de hostalería agás para servizo a domicilio. As medidas estarán en vigor dende o día 6 ás tres da tarde

O subcomité do venres deberá decidir se os confinamentos perimetrais e as restricións de reunións para non convivintes continúan ou non alén dos 7 días aprobados; do día 9 en diante, Feijóo pode facer uso de competencias da prórroga do estado de alarma para decisións como modificar o toque de queeda

577 centros educativos teñen algún caso da COVID-19 entre o seu alumnado ou persoal, segundo a Xunta, que cifra os positivos en 1.181.