David Lombao

O ex-deputado Antón Sánchez viña reclamando dende 2013 o informe co que a Xunta autorizou a fusión das caixas; o pasado xuño o TSXG condenou o Goberno galego a entregar o documento. Nel limítase a resumir as vantaxes da operación que as propias entidades esgrimían ou a referirse ao visto e prace do Banco de España. Non achega ningunha pescuda propia nin se refire ao informe que encargara a KPMG por un millón de euros para impulsar a fusión

Feijóo considera que "non sería xustificable" que "se manden doses ás comunidades en función de determinadas cores" ou "necesidades parlamentarias", se ben non aclara onde percibe eses criterios. A Estratexia de Vacinación prioriza as persoas residentes en centros de maiores e o persoal que as atende; neste marco, Galicia ten asignada unha primeira entrega dunhas 18.500 doses

Sanidade suma 293 novos casos e unha morte. O descenso no número de probas PCR nos días do Nadal, posterior a xornadas de récord impulsadas polos cribados masivos, influíu no incremento das taxas de positividade mentres preocupa a evolución da incidencia en varias comarcas e a hospitalización rexistra o maior incremento en vinte e catro horas do último mes

A importante baixada no número de PCR explica o aumento da taxa de positividade e o descenso na detección de novos casos. A presión hospitalaria volve aumentar. 

Tras retornar á Xunta o PP pasou de anunciar a supresión do complemento en 2009 a mantelo e incrementalo en 2011 ata os 206 euros, nos que segue conxelado unha década despois. Feijóo xustificara a conxelación nos menores Orzamentos con respecto á etapa de PSdeG e BNG; en 2021, o Goberno conta co maior volume de fondos da súa historia e a partida tampouco aumenta.

As cifras mánteñense estables tras o aumento de contaxios da pasada semana. O pasado 23 de decembro o Sergas realizaou case 10.700 PCR nunha soa xornada. 

Tras as primeiras 500 doses do simbólico primeiro día, para unha residencia de Santiago, o luns 28 chegarán a Galicia outras 18.000 e comezará a distribución cara ao resto de centros de maiores dende un ultraconxelador central. O persoal de enfermaría do Sergas volve ser clave nun proceso no que as autoridades sanitarias alertan tamén contra as desinformacións a respecto da tecnoloxía da vacina e os seus efectos alén da inmunización

O presidente da Xunta retruca advertindo de que dispón dun dossier "cheo de fotografías que me pasa o gabinete, dos líderes do PSdeG e do BNG sen máscara en actos públicos" e asegura que o test da conselleira foi previo ao mitin do PP na Coruña e debido á súa viaxe á Bruxelas, aínda que despois o Goberno galego admite que foi posterior e por mor dun positivo na súa contorna persoal

Para o presidente da Xunta, "dicir que xestionamos mal a pandemia" é tanto como "non apreciar os profesionais" do Sergas. "É incapaz de saír do guión da bronca e da prepotencia", lamenta Pontón, quen pide "devolver o esforzo que levan feito os galegos e galegas" na pandemia "cun pouco de altura política"

O Sergas suma 249 novos casos e a media diaria dos novos diagnósticos segue na contorna dos 300. Santiago xa é a cidade galega con maior incidencia acumulada a 14 días, indicador que para para o conxunto de Galicia se estanca arredor dos 180 casos novos por cada 100.000 habitantes. O número de persoas hospitalizadas segue sen baixar de arredor das 350

A excepción da breve intervención do presidente do Parlamento, o silencio político e institucional en torno ao cuadraxésimo aniversario do referendo do Estatuto foi practicamente total

Sanidade mantén a petición de celebrar as festas só entre conviventes e recomenda xuntar, como máximo, dúas unidades familiares ou seis persoas adultas máis catro menores. Médicos integrantes do comité clínico do Sergas fan fincapé na súa petición de limitar os contactos: "Temos que chegar todos vivos a 2021"