A Xunta non ve eivas na fundación pública que tutela 3.000 persoas adultas cunha vintena de traballadores
A Funga atendeu uns 3.600 casos no ano 2018, segundo a Consellería de Política Social, e o seu cadro de persoal apenas supera as vinte persoas. A Xunta defende unha "mellora" nas "condicións de traballo" da entidade, gábase dun incremento orzamentario que ascendeu a 46.000 euros e subliña que foi "eximida de responsabilidade" en procesos xudiciais que afectaron a persoas tuteladas.
O Concello de Ourense retírase do sistema de protección ás vítimas da violencia machista
Jácome justifica a decisión do bipartito ourensán por falta de "recursos suficientes para atender este servizo con dignidade". A decisión, que prevé facer efectiva o vindeiro marzo, deixará Ourense como única cidade galega allea a este sistema de protección e seguimento das vítimas da violencia de xénero
O PP tenta promover en Lugo a dimisión da ministra de Transición Ecolóxica na véspera da folga das Pontes
O pleno da Deputación lucense rexeita a proposta na que o PP ligaba a solidariedade co persoal de Endesa nas Pontes á esixencia da dimisión da ministra Ribera, á que sinalan como responsable do peche da térmica
Catorce forzas políticas optan aos escanos galegos nas eleccións xerais do 10N
As formacións que obtiveron representación en abril recuncan nas catro provincias para o 10N; entre as principais novidades está a ausencia de En Marea e a aparición de Más País na Coruña e Pontevedra
A sentenza do procés bosquexa novas restricións para as protestas cidadás
O Supremo di concordar con que é "perfectamente lexítimo" protestar fronte a unha decisión xudicial, pero deixa de selo cando esa protesta "provoca un levantamento popular", do que acusa entre outros a Sànchez e Cuixart. Argumenta que a "resistencia" para frear a actuación policial en casos como o do 1-O xa é "por si soa apta e idónea" para que exista un delito de sedición
Junqueras, tras a sentenza: "Queren acabar connosco, pero volveremos máis fortes"
As contas dos líderes independentistas condenados nas redes sociais difunden as súas primeiras mensaxes tras a condena. O presidente do Parlamento catalán chama a "dende a non violencia, defender os dereitos e liberdades fundamentais"
- Datos As cifras do galego
- Acontece
A quebra na transmisión xeracional do galego certifica a importancia da poboación neofalante no futuro da lingua
Segundo o IGE, apenas o 18% dos nenos e nenas de 5 a 14 anos deu as primeiras palabras en lingua galega e tras décadas de devalo, entre menores de 40 son minoría as persoas ás que, durante a infancia, pais e nais lles falaban só ou maioritariamente en galego
O Estado aproba 300 millóns pendentes para Galicia pero aínda non compensa os 200 da reforma do IVE de Rajoy
A ministra mantén que agora pode esquivar os "impedimentos legais" para ingresar ás autonomías as entregas a conta porque, ao haber novas eleccións xerais, o pagamento "xa non pode afectar á actuación orzamentaria do Executivo entrante" en 2019
A Audiencia adía a súa resolución sobre Angrois polo testemuño do mecánico que denuncia borrado de datos
A plataforma de vítimas pediu a suspensión da deliberación da Audiencia sobre os recursos á fin da instrución, prevista para este 11 de outubro, e o tribunal concede tres días para que as partes fixen posición. O ex-mecánico de Talgo afirma que revisou o Alvia e detectou "diferentes avarías" que a empresa ordenou "borrar" do sistema informático tras o sinistro; a compañía négao e anuncia accións legais
As educadoras sociais alertan dos riscos de que a Xunta incorpore á profesión persoal doutras titulacións
A orde na que traballa a Xunta para convocar as oposicións de educación social abre a convocatoria a persoal "con título de mestre" de Educación Primaria e a áreas como a Psicoloxía, a Psicopedagoxía ou "ramas de ciencias sociais e xurídicas ou da saúde" equivalentes. O Colexio de Educadoras prepara mobilizacións para este 14 de outubro
Vítimas de Angrois piden que o xuíz interrogue un mecánico que denuncia borrado de datos no Alvia do accidente
Nunha declaración xurada, un mecánico de Talgo afirma que revisou o Alvia horas antes do accidente e detectou nel "diferentes avarías", pero apenas "media hora" despois do descarrilamento "varios directivos deron a orde taxativa de borralas" do sistema informático. A compañía nega as acusacións e anuncia accións legais contra o operario que, subliña, foi despedido o pasado maio
Só tres deputadas electas en abril non recuncan nas candidaturas galegas ao Congreso do 10N
O traslado de Ana Pastor ás listas do PP en Madrid, a concorrencia de Más País, a renuncia de En Marea a presentar candidaturas e o pacto do BNG con CxG, principais novidades nas candidaturas galegas ao Congreso para o 10N. A que foi primeira forza, o PSdeG, mantén as súas catro cabezas de cartel