David Lombao

Dende que PSdeG e BNG perderon o Goberno, as filas da esquerda estiveron marcadas pola interinidade, con ata unha vintena de liderados, e pola perda de forza parlamentaria. Pontón, que tamén é a primeira líder tras o ex-presidente socialista en disputar a Xunta ao PP dúas veces seguidas, celebra o "histórico" resultado ante o Consello Nacional do Bloque e subliña que "o 'sorpasso' que importa é o que permita un cambio galego en 2024"

Nos concellos da provincia de Lugo alén da Mariña aumentan os "positivos activos" de 22 a 29 e na área da Coruña soben de 27 a 31, cadrando cos brotes de Vilalba e Betanzos

O uso da máscara vira en "obriga xeral" dende este 19 de xullo en Galicia aínda que "se manteña a distancia de seguridade interpersoal". A resolución da Xunta explicita que o veto ao consumo de bebidas alcohólicas en 'botellóns' non o aplica ás terrazas nin ás "festas e verbenas populares"

Tras as aclaracións sobre as discordancias dos datos e a actualización deste venres, o total acumulado de persoas afectadas polo brote da Mariña chegaría a 239, con 95 persoas xa de alta, mentres seguen tamén as probas nos brotes de localidades como Betanzos ou Vilalba. Mentres, o Ministerio de Sanidade notifica 10 novos diagnósticos en Galicia.

A renovación do consello de administración da CRTVG, a piques de chegar aos seus 5 anos de mandato, requirirá necesariamente dos votos do PP e de, cando menos, dun dos dous grupos da nova oposición: BNG ou PSdeG. Se este órgano entra nun período de interinidade, este sumaríase á que atinxe á propia dirección xeral dende hai cinco anos

Unha fonte oficial de Sanidade asegura a Praza.gal que a orixe na discordancia dos datos está en que o 10 de xullo as altas non eran 27, senón 36, e en que o cómputo total de persoas afectadas polo brote incluía 6 persoas máis das referidas nas notas públicas. Inicialmente, o Goberno galego atribuíra a disparidade a unha mala interpretación da súa información "real e transparente"

O 9 de xullo, o Sergas indicou ao xulgado que A Mariña rexistrara 224 casos de coronavirus mentres informaba publicamente de 165 casos "activos" e 25 altas, o que deixaba o acumulado en 190, trinta e catro menos. este 16 de xullo Sanidade rexistra 28 novos casos en toda Galicia e informa de 9 nun brote en Betanzos

O Ministerio de Sanidade vén de actualizar a súa serie por inicio de síntomas do coronavirus, a única pública para Galicia, chegando ata o 12 de xullo . Dende o inicio do desconfinamento, segundo a nova serie, rexistráronse en Galicia algo máis de 400 positivos, máis da metade aparentemente ligados ao brote da Mariña

O Sergas indica que rexistrou un único caso novo ligado co brote nas últimas vinte e catro horas na Mariña, onde si se manteñen restricións como as relativas ao lecer nocturno ou ao límite das reunións de 10 persoas non convivintes. A Xunta abre a porta a que o peche de Burela se prolongue ata unha semana e admite que "existe o risco de que haxa un certo nivel de transmisión oculta" na zona porque "existen casos que non poden asociarse ao resto"

O escaso voto emigrante determinará, así e todo, se o PSdeG conserva o escano de Pontevedra que lle gañou ao PP na noite electoral por 45 votos ou se, como todo parece indicar, pasa a ser o cuadraxésimo segundo asento dos populares no novo Parlamento

O Goberno en funcións aborda a primeira versión do protocolo contra o coronavirus para o curso 2020-21. Non prevé a posibilidade de reducir a ratio de alumnado por aula para garantir a separación de seguridade que evite contaxios da covid-19 e abre a porta aos denominados "grupos estables" de ata 25 estudantes sen distancia nin máscara

O total acumulado de persoas afectadas polo brote continuaría sendo 218, con 55 de alta. Dos datos da Xunta cabe deducir que no resto da provincia de Lugo os "positivos activos" aumentan, con catro máis que o día previo, e que no conxunto de Galicia se rexistraron cinco positivos novos nas últimas vinte e catro horas