David Lombao

Os novos positivos acumulan cinco días en descenso, con 209 no último día, pero a peor evolución das semanas anteriores vese agora reflectida no incremento da hospitalización e en máis falecementos. As 249 persoas ingresadas con test positivo marcan outro máximo na segunda vaga, pero seguen por baixo da primeira. Por áreas sanitarias, a peor evolución volve ser a de Pontevedra-O Salnés

En Cualedro e Rairiz de Veiga foi preciso activar a Situación 2 pola proximidade das lapas a áreas habitadas e instalacións agrogandeiras e varios focos acadaron a consideración de gran incendio forestal por superaren as 500 hectáreas ardidas

Feijóo evidencia a súa vontade de empurrar a Jácome cara á dimisión dende a Xunta excluíndo o Concello de Ourense da súa oferta de "colaboración" fronte á pandemia; quen fora socio do bipartito co PP ata hai escasos días proponse resistir fronte a esta "discriminación nunca vista", que considera "de extrema gravidade"

Sanidade asegura que "está traballando conxuntamente" co Goberno de España para "poñer en marcha a aplicación" e di pretender que "isto sexa posible" arredor do 15 de setembro. O dato galego de contactos identificados por cada positivo é mellor que a media estatal, pero a porcentaxe de novos casos con orixe descoñecida do contaxio é a peor do Estado

Os novos casos son 236, pero as ata 289 altas sumadas provocan o terceiro descenso da semana no número de "positivos activos", cifra de referencia para a Xunta. A morte de dous pacientes ingresados no hospital de Verín eleva a estatística oficial de falecementos ligados á pandemia neste domingo a 681, aínda que Sanidade xa computa outros catro máis. As 247 persoas ingresadas supoñen un novo máximo na hospitalización nesta segunda vaga da pandemia en Galicia

O 13 de marzo, o Goberno de España anunciou o estado de alarma por mor da pandemia da COVID-19 e a Xunta declarou a emerxencia sanitaria. Repasamos o impacto do virus no país neste medio ano en seis gráficos con cadansúas ligazóns para, se o precisas, descargares os datos e reutilizalos

O Sergas suma tres novos falecementos de persoas co coronavirus, dúas delas residentes no centro de maiores da Fundación San Rosendo no Incio. O número de casos novos diarios segue na contorna dos 250, semellante ao dos primeiros días de abril, pero a cifra de hospitalizacións é moito menor que daquela

A obriga de que as medidas restritivas sexan ratificadas pola Xustiza dá lugar a autos que, habitualmente, citan datos dos informes epidemiolóxicos de Sanidade por concellos ou comarcas que a propia Xunta evita publicar . Conteñen multitude de datos que o Goberno galego non fai públicos, como a incidencia da pandemia por municipios ou barrios e as datas nas que se disparan ou controlan os brotes

O Sergas suma catro novos falecementos ligados á pandemia que elevan o total a 676. A Xunta aplica restricións para frear os contaxios en Laxe, Lalín, A Guarda, O Rosal, Vilaboa e Poio, o que eleva a catorce os municipios con medidas adicionais fronte á pandemia

As terrazas dos locais de 'lecer nocturno' pasan a ter a mesma consideracións que as do resto da hostalaría dende este 11 de setembro en toda Galicia, con capacidade do 75% e peche a media noite. As salas de concertos reiteran a petición de non seren equiparadas a estoutros locais: "Ou atopamos unha solución que permita a actividade nas salas de concertos como noutros recintos culturais, ou Galicia queda sen salas de concertos en menos de seis meses"

A cifra de "positivos activos", referencia para a Xunta, baixa por mor da suma de ata 276 altas, na xornada con máis probas PCR en Galicia dende o inicio da pandemia. Un dos catro novos falecementos é o dun home que vivía na residencia de maiores do Incio

"Non temos coñecemento do cupo de profesorado nin da aceptación da modificación de horarios, é imposible organizar os horarios e asignar os espazos", advirten as direccións destes oito centros, que lamentan que "todo son incertezas" a unha semana do comezo do curso en Secundaria