A vaga de incendios remite ao amainar o nordés tras máis de 1.000 hectáreas ardidas
O incendio máis destrutivo da vaga é o de Monforte, controlado pero aínda non extinguido catro días despois, con case medio milleiro de hectáreas ardidas. A política informativa da Xunta provoca que os balances de hectáreas ardidas no conxunto de Galicia sexan, necesariamente, provisionais e incompletos ata o ano seguinte
As universidades piden ante Feijóo "recuperar os recursos perdidos" cos recortes: "É un momento crítico"
O reitor da USC puxo voz no acto solemne de apertura do curso ás reivindicacións das universidades , encabezadas pola petición dunha nova lei e dun "marco xeral de financiamento do ensino superior"
O PP galego conclúe que o aumento do prezo do aluguer de vivenda por mor dos pisos turísticos é "falso"
Os populares rexeitaron unha iniciativa de Común da Esquerda reclamando novas limitacións aos pisos turísticos ao considerar unha "premisa falsa" que "estean directamente relacionados co aumento dos prezos dos alugueres". A Federación Galega de Empresas Inmobiliarias e a CNMV si ven relación entre vivendas turísticas e subas no alugueiro tradicional, pero Competencia discrepa
A combinación de vento e calor aviva o lume nos montes galegos ás portas do outono
Tras unha primavera na que o monte ardeu máis que en todo 2018 o verán foi calmo ata setembro, con Porto do Son e Monforte como principais focos de preocupación pola proximidade do lume ás casas e máis de 860 hectáreas ardidas. A fin do verán e o inicio dos meses outonais confírmanse como novo campo de batalla contra as lapas co quecemento global como pano de fondo
A Xustiza avala que alumnado galego de Bacharelato teña que estudar Relixión se elixe Robótica
Un xuíz de Santiago admite que a normativa vixente obriga a parte do alumnado a estudar Relixión se quere cursar materias como Robótica ou Coeducación para o Século XXI, pero non o ve discriminatorio porque hai "outras alternativas" e desbota a reclamación da familia dun estudante que se viu nesta situación
Feijóo compensa con cargos públicos aos ex-conselleiros que máis fracasaron nas municipais
Tras o envío de Elena Muñoz e Jesús Vázquez ao Senado, Agustín Hernández cambia a oposición no Concello de Santiago pola presidencia do Consello Económico e Social. O ex-conselleiro completa este venres no Parlamento o trámite para substituír a Corina Porro no CES tras darse de baixa no PP, que queda liderado en Santiago polo edil Sánchez-Brunete
As enfermeiras eventuais claman polo dereito á conciliación e o Sergas retruca que a situación era peor hai dez anos
"O 90% de nós somos mulleres, cunha media de 32 anos e o 73,3% non temos fillos", subliñan as Enfermeiras Eventuais en Loita no marco da iniciativa '12 meses, 12 loitas', inspirada na primeira mobilización do colectivo, o pasado 12 de maio nas oposicións en Silleda
O peregrino 200.000 a Santiago adiántase de mediados de outubro ao inicio de agosto
Tras recibir o peregrino 200.000 do 2019, o pasado 2 de agosto, a Xunta reiterou o seu convencemento de que o crecemento do Camiño é "sustentable". Non obstante, o Plan Estratéxico do Xacobeo 2021 sinala a masificación com un dos aspectos negativos do fenómeno e admite que a "dimensión" do evento xa afecta "ao equilibrio entre os visitantes e a veciñanza de Santiago"
Feijóo censura que os ministros non o avisen das súas visitas e Caballero ínstao a asumir que xa non é o "único protagonista"
O retorno do PSOE ao Goberno de España devolveu a Xunta á dialéctica dos tempos de Zapatero, agora a conta das visitas de membros do Goberno de España en funcións como Reyes Maroto e Pedro Duque sen contar coa Xunta
O goberno de Barreiros alerta o Sergas do risco de quedar sen pediatra xusto cando o municipio triplica poboación
"Atopámonos, no mes de agosto, con máis de medio cento de persoas sen atención pediátrica", alerta a alcaldesa de Barreiros, quen advirte de que a ausencia da pediatra atinxe tamén a municipios da contorna como Lourenzá ou Mondoñedo e contribúe a saturar servizos como o PAC de Ribadeo
Choque preelectoral entre a Xunta e o Goberno central tras a venda da factoría coruñesa de Alcoa
As seguras eleccións galegas e os eventuais novos comicios xerais son o pano de fondo do conflito político entre os gobernos galego e central tras a venda da factoría coruñesa mentres Alcoa, que segue en San Cibrao, volve reducir produción
- Datos
- Economía
O paro rexistrado cae ao mínimo da década en Galicia entre síntomas de atrancos económicos
As inscricións nas oficinas de emprego caeron por riba do 7% en Galicia e a creación neta de emprego rolda as 8.000 persoas, cunha media de 15 contratos laborais por emprego creado. A combinación dos devalos económico e demográfico provoca que o paro estea en niveis pre-crise pero haxa case 60.000 cotizantes menos na Seguridade Social