- Datos Coronavirus
- Acontece
A incidencia da COVID segue á baixa en Galicia mentres frea o alivio nos hospitais
A incidencia acumulada a 14 días da COVID para o conxunto de Galicia baixa dos 200 casos por primeira vez dende finais de outubro e en nove dos dez concellos máis poboados, é menor que hai unha semana. As mortes chegan ás 1.250 e o número de persoas infectadas que precisan atención hospitalaria aumenta en catro áreas sanitarias.
A Xunta revela a empresas os datos persoais de quen lle formula peticións de transparencia
O Goberno galego facilita a firmas eólicas mesmo o domicilio das persoas solicitantes de información sobre o impacto ambiental de parques desas empresas
- Datos Coronavirus
- Acontece
As mortes da segunda vaga da COVID en Galicia son máis que as da primeira dende o 3 de decembro
Tras a suma de varios falecementos computados con atraso, as mortes de persoas infectadas pola COVID na segunda vaga son xa 627 e o total chega a 1.246. Sanidade computa 370 novos positivos, aínda que polo momento a tendencia dos principais indicadores segue en descenso
- Datos Coronavirus
- Acontece
Galicia 'desescala' coa segunda vaga da COVID freando e a piques de superar as mortes da primeira
O Sergas vén rexistrando uns 300 positivos novos ao día, pero a tendencia descendente mantense e a incidencia acumulada a 14 días vaise achegando aos 200, aínda que con notables diferenzas entre concellos
- Datos Coronavirus
- Acontece
A incidencia da COVID cuadriplica á da primeira 'desescalada' en Galicia, pero con máis capacidade diagnóstica
Os "positivos activos" ao comezo do desconfinamento de maio roldaban os 1.500 e agora superan os 7.000; a media semanal de novos diagnósticos por PCR non superaba os 20 diarios e na actualidade está por riba dos 300. En maio, o Sergas procesaba unha media de menos de 1.400 PCR diarias e agora son máis de 6.000
PSOE e UP sacan adiante o seu primeiro Orzamento do Estado por ampla maioría para pór fin á 'era Montoro'
Alén da vertente económica, a votación dos Orzamentos alarga a maioría que investiu presidente a Pedro Sánchez. PSOE e UP reprochan o "non" do Bloque, cuxo deputado coida que ambos grupos "defenden o indefendíbel" para "explicar o descenso de investimento en Galiza". Pedro Sánchez congratúlase por sacar adiante "os Orzamentos máis renovadores e sociais para responder á peor crise nun século"
- Datos Dereito á vivenda
- Acontece
Os desafiuzamentos multiplican por 15 as demandas por ocupación ilegal en Galicia no que vai de 2020
As demandas novas por ocupación ilegal de vivendas descenden un 26,2% interanual en Galicia, unha caída seis puntos superior á dos lanzamentos por impagamento de arrendamentos e hipotecas. O dato chega pouco despois de que a Xunta comezase a financiar un teléfono 'antiocupacións'
- Datos Coronavirus
- Acontece
Galicia afronta a nova xeira de restricións da pandemia cuns 300 casos diarios da COVID
O Sergas suma 369 novos positivos e dez falecementos mentres os principais indicadores da pandemia manteñen a súa xeira descendente e a positividade media das probas PCR se achega ao 5% que a OMS sinala como limiar para dar por controlada a COVID nun territorio. A hospitalización cae por baixo das 400 persoas, pero segue a baixar lentamente
- Interactivo Coronavirus
- Acontece
O novo plan COVID da Xunta permite encontros de non conviventes e abrir a hostalería con catro niveis de restricións
As reunións entre persoas que non convivan e a actividade hostaleira volven estar permitidas en toda Galicia, pero con limitacións diferentes en función da incidencia do virus. Case sesenta concellos continuarán afectados por peches perimetrais no novo paquete de medidas, en vigor dende o 4 de decembro. Dende ese día e ata o 9, a Xunta aplicará por primeira vez o peche perimetral de toda Galicia
- Datos Coronavirus
- Acontece
A expansión do coronavirus acouga en Galicia tras o segundo mes con máis mortes dende o inicio da pandemia
Cada día de novembro faleceron, de media, nove persoas que contraeran a COVID-19 en Galicia e o total sitúase xa en 1.211. O Sergas computa 271 novos positivos e os principais indicadores da pandemia seguen en liña descendente para o global de Galicia, pero con diferenzas significativas nalgunhas comarcas e cunha melloría máis lenta nas cifras de hospitalización
A investigación sobre a fusión das caixas volve ficar conxelada no décimo aniversario da efémera Novacaixagalicia
O 1 de decembro de 2010 comezaba a operar oficialmente a entidade resultante da fusión de Caixa Galicia con Caixanova, que naquel día se presentaba como unha "plataforma financeira máis forte que as dúas de orixe". A aventura de Novacaixagalicia durou como tal apenas un ano; en 2011 tivo que emprender a bancarización e Novagalicia Banco acabaría precisando un rescate do que o Banco de España dá por perdidos uns 9.000 millóns de euros
O BNG valora votar "non" ou abterse nos Orzamentos do Estado ao ver a Galicia "descolgada da foto"
PSOE e UP contan xa cunha marxe duns dez votos por riba da maioría absoluta para aprobar o orzamento para 2021. Pontón coida que as contas deixan a Galicia fóra de "investimentos estratéxicos" e Rego insta o Goberno do PSOE e UP a "rectificar" para reconsideraren o voto afirmativo. Os socialistas instan o Bloque a "sumar coas forzas de progreso" e sinala que "sen o AVE, o orzamento do 2021 recolle 770 millóns en investimentos para Galicia", alén das partidas para a "rebaixa histórica das peaxes da AP-9"