David Lombao

O novo protocolo recoloca cada positivo na data estimada de inicio de síntomas do paciente e non no día no que o caso foi notificado; o primeiro en Galicia sitúase agora no 15 de xaneiro, aínda que segue reflectindo que a pandemia non se disparou ata as primeiras semanas de marzo

"O BNG propón unha intervención como a que está facendo a chanceler Merkel en Alemaña con Lufthansa para salvar a produción estratéxica de aluminio e o emprego", subliña a candidata do Bloque á Xunta na presentación da candidatura da formación pola Coruña

O comité que redactou o informe, encabezado pola ex-conselleira María José Rubio, advirte o PSdeG de que un eventual novo Goberno galego debe "asumir a enorme probabilidade de confrontar con novos brotes da COVID-19" en cuxa contención sería "protagonista" a Atención Primaria

As principais forzas políticas presentan listas practicamente idénticas ás rexistradas para as eleccións adiadas en abril; a principal novidade no mapa político é a coalición de EM con CxG e o PG

O número de falecementos ligados á covid-19 mantense en 618 mentres o Ministerio de Sanidade dá conta dun único diagnóstico novo en Galicia nas últimas vinte e catro horas

O BNG denunciou expresións divulgadas polo Executivo galego tras presentar as obras de ampliación do CHUAC como que é "a maior obra pública que se ten impulsado na área da Coruña en moitos anos". A Xunta Electoral estima parcialmente a súa petición e ordena retirar esas palabras do sitio web do Goberno galego

A CRTVG desbota a investigación reclamada polo comité intercentros e por Defende a Galega ao considerar que "non existe nin unha soa proba nin indicio razoable" que sosteña o que define como "acusación contra os traballadores" dos medios públicos e unha "campaña de desprestixio". Asegura ademais "non entender comportamentos de certos colectivos" sobre os que, afirma, xa alertou "ao comezo da pandemia"

Nas semanas previas á pandemia xa fluían ás enquisas e apuntaban a que as ansias de cambio de goberno en Galicia existen e mesmo eran maioritarias, pero non tanto como a convicción de que hai un aquel de orde natural das cousas que mantén o PP na Xunta

O conselleiro Conde pide "prezo eléctrico competitivo" para Alcoa, máis axudas para o sector e que parte dos fondos europeos para a reconstrución tras a pandemia vaian destinados a ese fin

Sanidade indica un novo falecido para un total de 618; na última semana os novos falecementos ligados á covid-19 foron tres. O gran incremento de "curacións" nun só día débese á suma dun golpe e sen referencia temporal de 104 altas epidemiolóxicas de persoas que estaban illadas nos seus domicilios por padeceren a covid-19 e que deron negativo en días que poden ser diversos

"Seguro que podemos acordar a duración da campaña e outras medidas entre as tres forzas que suman a alternativa" ao PP,  di Gómez-Reino, que propón a socialistas e nacionalistas acordaren aspectos como a duración da campaña, as limitacións dos actos para evitar contaxios do coronavirus ou unha proposta sobre debates electorais

As entidades de Autismo Galicia tamén traballaban na reapertura baseándose no protocolo elaborado no Sergas, do que agora desapareceron as dez páxinas dedicadas aos centros de día