David Lombao

Tras anunciar o que definira como "renuncia á precampaña", o PP galego confirma o reinicio das súas actividades preelectorais nunha presentación de candidaturas con Feijóo e Casado

Como xa advertira, o Ministerio de Sanidade segue a revisar a serie da covid-19, que para Galicia é a única pública porque o Sergas non divulga a súa. O primeiro caso galego ten agora data de inicio de síntomas no 2 de febreiro e sitúase na provincia de Ourense, pero o incremento exponencial segue comezando na segunda semana de marzo

Este 17 de xuño o Ministerio de Sanidade indica un diagnóstico novo en Galicia e o Sergas suma catro casos novos directamente como "curacións". O número de persoas falecidas segue sendo 619, segundo o Sergas, que non dá conta de novas mortes ligadas á pandemia dende o pasado día 11

"Sen orzamentos, calquera louvanza da investigación é pura retórica", defende Pontón, quen asegura que o Bloque tamén poría en marcha un plan para "recuperar o talento emigrado por falta de oportunidades ou por condicións laborais pésimas". O cumprimento da promesa incluída no programa do Bloque implicaría que, no remate da vindeira lexislatura o orzamento de I+D da Xunta roldase o 330 millóns de euros fronte aos algo máis de 180 das contas de 2020

A Xunta suma dous novos positivos na área sanitaria de Vigo e un na da Coruña mentres o Goberno central indica que Galicia notificou un novo diagnóstico da covid-19 nas últimas vinte e catro horas. O número de falecementos segue en 619 tras outros cinco días seguidos sen novas mortes

Durante o estado de alarma, as forzas de seguridade ditaron case 45.000 propostas de sanción en Galicia e practicaron 252 detencións. A lei que regula esta figura excepcional estipula que, ao seu remate, "decaen" as medidas adoptadas polas autoridades para garantir o cumprimento das restricións "agás as que consistisen en sancións firmes"

Por primeira vez o número de positivos activos descende o mesmo que aumenta o número de "curacións", en tres persoas, mentres o Ministerio de Sanidade indica que na última xornada Galicia rexistrou un novo diagnóstico da covid-19. O número de falecementos segue sendo 619, sen ningún novo na última xornada

A Xunta non divulga unha serie completa e aberta dos datos do coronavirus nin fai públicas cifras que si reporta ao Estado, como os novos diagnósticos de cada día ou cantas persoas que indica como "curadas" non chegaron a ter síntomas. O actual presidente e candidato á reelección polo PP considera que o Goberno central "persiste e insiste nunha contabilidade creativa nas cifras de infectados e falecidos" 

A razón pola que a cifra de "curacións" medra máis do que descende a de "positivos activos" é a suma de pacientes que deron positivo en test de anticorpos pero que non consta que tivesen síntomas da covid-19 no momento da proba, polo que son anotados directamente como infeccións "resoltas"

Galicia encara a fase final do desconfinamento con apenas 13 novos diagnósticos de coronavirus na última semana, segundo o Ministerio. Mentres, os "positivos activos" da Xunta baixan en 108 casos; 105 deles son altas domiciliarias sumadas dun golpe

Os 24 pisos de promoción pública que a Xunta vén de anunciar en Santiago son o mesmo número de vivendas que todas as protexidas finalizadas en Galicia durante a lexislatura que remata

Os populares manteñen que o aspirante á reelección o 12X non convoca actos de partido porque está "centrado no realmente importante"; as forzas da actual oposición coidan que non o fai porque utiliza a Xunta en clave electoral