David Lombao

Foron diagnosticados en Galicia apenas 64 casos novos nas últimas dúas semanas e deles, só 12 teñen a data de inicio de síntomas nese período. Os positivos activos dos que informa a Xunta baixan dos 700 e as persoas que o Sergas dá por curadas superan as 10.000; os pacientes falecidos coa covid-19 son 617

Gonzalo Caballero asegura que a Consellería de Igualdade "do goberno progresista" aglutinaría todas as "políticas para saír da crise que apoien as mulleres e garantan o seu dereito a non teren que ser o resorte de resistencia ante a ausencia de medidas da Xunta". O BNG propón "un servizo público de canguros" que compense o peche das escolas ata setembro

FEGADACE reclama formalmente a Política Social que "rectifique" e alerta dunha situación de "emerxencia terapéutica e social" para as máis de mil persoas con dano cerebral ás que atende. O Colexio de Educadoras lamenta que "para promover a saúde dos maiores", a Xunta dea en "fomentar xusto o contrario" ao non permitir a reapertura dos centros de día e ocupacionais

Un vehículo cae ás vías do tren e provoca o descarrilamento do Alvia nas proximidades da cidade de Zamora. Os 180 pasaxeiros que viaxaban nel resultaron ilesos, asegura Renfe, se ben o 112 precisa que cinco precisaron atención por feridas leves

O IMV pode ser solicitado dende o 15 de xuño e o decreto que o regula certifica que non impide á Xunta "seguir xestionando" a Risga, aínda que non será compatible con ela ata que o Parlamento galego aprobe unha reforma da lei de inclusión

A Sala concorda co xulgado de primeira instancia en que Claudia Delso non cometeu os delitos de prevaricación, tráfico e influencias e malversación que o PP lle atribuía e tamén cre que "carece de fundamento" implicar o edil Xiao Varela ou ao ex-alcalde Xulio Ferreiro, como reclamaba a concelleira popular que recorreu

Responsables de centros de día relatan que negociaran durante as últimas semanas coa Xunta unha reapertura inminente. Tras anunciar Feijóo que non poderán reabrir ata setembro, a Consellería de Política Social confirmóullelo por carta. A Federación Alzhéimer Galicia súmase ás voces que reclaman a reapertura

Feijóo non se pronuncia polo momento sobre posible reforma e di que "habería que valoralo". Carga contra aplicación do IMV porque asegura considerar que, se o Estado non transfire a xestión á Xunta dende o inicio, o Goberno galego non poderá "seguir xestionando" a Risga. En realidade, o Goberno de España seguirá sen ter competencia ningunha sobre a renda de inclusión galega

Os "positivos activos" dos que informa a Xunta son 17 menos e quedan en 732, mentres que as persoas que o Sergas considera curadas chegan a 9.958, vinte e dúas máis.  As persoas falecidas pola covid-19 son 616 segundo o Sergas e o Ministerio ten pendente de confirmar se sete deses casos se deben ao coronavirus. Mentres a Xunta segue sen publicar todos os seus datos, Feijóo acusa o Estado de "improvisación de proporcións moi lamentables" na información

Sánchez confirma que a sexta prórroga do estado de alarma será a derradeira e na nova redacción do decreto, as presidencias autonómicas terán a consideración de autoridade competente delegada ao mesmo nivel que o ministro de Sanidade

O que sucedeu nos días previos ao confinamento para frear o contaxio do coronavirus segue sendo obxecto de controversia e o día e case a hora concreta de cada restrición, no centro da disputa política. Percorremos algúns dos fitos máis destacados daquelas xornadas, as últimas da 'vella normalidade'

Caballero ve no ingreso mínimo vital a mostra de que "hai unha saída pola esquerda" á crise derivada do coronavirus e di aspirar a que o PSdeG lidere dende a Xunta o "gran pacto pola reconstrución de Galicia". Gómez-Reino asegura que "o Goberno de progreso que saia das urnas o 12 de xullo aproveitará as oportunidades que nos brinda o autogoberno para aplicar unha Renda Básica Galega" aproveitando o IMV