David Lombao

Na última xornada o Ministerio indica que o Sergas reportou un único diagnóstico novo da covid-19 en Galicia. O número de falecementos ligados ao coronavirus segue, segundo o Sergas, en 615; o 44% deles eran persoas que viviran en residencias de maiores e dependentes. As persoas hospitalizadas con test positivo son apenas 39; no pico da pandemia eran 1.068

O goberno bipartito de PP e Democracia Ourensana xustifica a mudanza pola "dificultade de atopar membros para a composición dos tribunais" e a existencia de numerosas renuncias entre o persoal que resultaba elixido para participar nestes procesos

O protocolo enviado por Sanidade hai dúas semanas coas indicacións para a reapertura incluía un amplo capítulo para os centros de día; tras o anuncio de Feijóo sobre o peche ata setembro, Política Social remíteos a unha versión diferente do documento que non inclúe mención ningunha a estes centros. Centros de día como o de Verín afirman que souberon polos medios de comunicación da decisión de non reabrir ata setembro, mentres a Xunta asegura que se dispón a aprobar axudas que compensen o peche ás familias e ás empresas propietarias de instalacións coma estas

A nova prestación estatal pretende garantir un mínimo de 462 euros mensuais e un máximo de ata 1.015 euros, para a súa concesión teranse en conta os ingresos da persoa solicitante e tamén o seu patrimonio. Será decisión da Xunta determinar como  "complementar" a nova prestación a través da Risga , actualmente incompatible, e o Goberno central ábrese a compartir a xestión a partir de 2021 alén de Euskadi e Navarra

O persoal das residencias e outros centros de Política Social interpretou a limitación das vacacións como "a pinga que colma o vaso" tras o "gran esforzo" que están a realizar durante a crise do coronavirus. As centrais sindicais advirten de que a mobilización ten motivos máis amplos e se resume na reclamación dunha "aposta decidida por uns servizos sociais públicos, dignos, de calidade"

O Ministerio de Sanidade indica que, dos 85 casos novos diagnosticados en Galicia nas últimas dúas semanas, apenas 14 tiveron inicio de síntomas neses últimos catorce días e só tres, na última semana. O número de "positivos activos" que indica o Sergas baixa en 24 casos e queda en 799 e a cifra de persoas que reporta como "curadas" aumenta en 51, ata as 9.849. A Xunta tamén dá conta de 14 positivos activos máis na área de Vigo, pero a ausencia dunha serie histórica completa do Sergas impide coñecer a súa referencia temporal

Un estudo do Banco de España advirte de que as autonomías con "maior peso" dos sectores do turismo e fabricación de coches padecerán maior "deterioro" da súa economía por mor da covid-19 e tanto na estimación de confinamento curto como na elaborada cun escenario máis longo, o impacto en Galicia é superior á media estatal. Mentres, medran as expectativas en torno ao plan da Comisión Europea para a paliar as repercusións económicas da pandemia, dotado con ata 750.000 millóns

Na última semana abrollaron 89 novos diagnósticos da covid-19, cifra que contrasta cos máis de 500 que chegaron a rexistrarse nun só día durante o pico da pandemia. O número de persoas na UCI con test positivo de coronavirus queda en 5, o máis baixo dende o 12 de marzo. O Ministerio de Sanidade segue a "corrixir a serie histórica", que no caso galego é a única dispoñible ante a ausencia dunha do Sergas.

En 2018 o Concello de Vigo reformou a ordenanza que eximía de pagar o IBI a todos os centros do Sergas na cidade, ao abeiro da cal a concesionaria do Cunqueiro lograra non ter que pagar este imposto municipal. Tras rexeitar o recurso da empresa, o TSXG fai o mesmo co da Xunta nunha sentenza que o Concello vigués celebra porque, subliña, supón case un millón anual máis de ingresos para as arcas municipais

Na última semana abrollaron en Galicia apenas medio cento de casos novos da covid-19, segundo informa o Ministerio de Sanidade mentres a Xunta segue manexando o indicador dos "positivos activos", que descende nunha vintena e queda en 834 casos. O número de persoas na UCI con test positivo por coronavirus queda en 7 e son menos de dez por primeira vez dende o 16 de marzo

O censo de residentes en Galicia está composto neste 2020 por case 24.000 persoas menos que nas eleccións galegas de 2016. O electorado máis mozo reduciuse algo máis dun 45% no que vai de século ata ser o grupo electoral menos numeroso. A perda de electorado concéntrase no interior: mentres en Ames teñen dereito a voto neste 2020 case un 75% máis de persoas que en 2001, municipios ourensáns como San Xoán de Río ou A Teixeira experimentan reducións de case o 50%

Nas últimas vinte e catro horas rexistráronse en Galicia só 7 novos diagnósticos da covid-19, aos que se une o reporte de 11 positivos en test de anticorpos. O Sergas dá conta dun único falecemento e o total chega ás 613 persoas, 271 delas residentes en centros de maiores e dependentes. Nesta xornada houbo só unha nova hospitalización e foi nunha UCI