David Lombao

"Non hai mellor momento ca este para actuar coordinados e para iso, quen ten a información, que é a Xunta, ten que dala", subliña Fernando Suárez (BNG). A Fegamp, cuxo presidente se reúne este martes con Feijóo, a oposición parlamentaria e o Colexio de Xornalistas tamén veñen reclamando á Xunta a publicación de datos abertos e completos sobre a evolución da pandemia en Galicia

Galicia suma 254 novos casos do coronavirus, 117 deles na área sanitaria de Ourense, onde faleceron outras dúas persoas. Ao contrario que noutras fins de semana, o número de probas PCR procesadas cada día en Galicia continúa en máximos, con máis de 6.000 nunha soa xornada

A concesionaria da AP-9 perdeu uns 664.000 euros no primeiro semestre de 2020; no mesmo período de 2019 gañara máis de 18 millóns de euros. A compañía, que non menciona se buscará acollerse á compensación das perdas por parte do Estado, comezara 2020 cun incremento do 2,69% no prezo das peaxes

Mentres no mundo real se anunciaban restricións para conter a pandemia, no Foro La Toja celebrado nun hotel da Toxa, políticos de antes e de agora lanzaban titulares cun intenso arrecendo a saudades por unha orde que xa non é o que era

As restricións na cidade de Ourense pasan a ser as máis estritas para a liberdade de reunión dende a fin do confinamento ao que, advirte Sanidade, habería que recorrer se os contaxios non remiten. Galicia rexistra 206 novos casos da COVID-19 e outros dous falecementos.

Tribunal Superior e Policía sinalan a escaseza de casos pero a conselleira de Vivenda volve asegurar que existe "sensación de impunidade" e "salienta" as ocupacións antes da reunión do Observatorio da Vivenda porque "están dando moito que falar" e "lle preocupa a Galicia". Anuncia un "teléfono para prexudicados por ocupacións" e o encargo dun "mapa da ocupación en Galicia" que terá como obxectivo "obter datos reais sobre o problema", evidenciando que polo momento non os ten

Dende o comezo da pandemia, Galicia leva rexistrados uns 23.000 casos da COVID-19. O número de probas é unha diferenza clave entre ambas vagas; na segunda, case o 70% dos positivos detectados en Galicia non presentan síntomas e acumula 128 falecementos, fronte aos 619 da primeira

Este 30 de setembro foron procesadas en Galicia máis de 6.800 PCR; o día con máis probas na primeira vaga non chegou ás 4.200. A media semanal de casos novos descende dos 200 ao día por primeira vez dende finais de agosto; o Sergas destaca que un dos pacientes falecidos non tiña ningunha "patoloxía previa". A peor evolución continúa en Ourense.

Tras manterse na contorna dos 250 casos novos ao día durante boa parte de setembro, Galicia remata o mes encadeando tres días con menos de douscentos positivos por primeira vez dende agosto. Os falecementos son xa 740 tras outras catro mortes, tres delas na área ourensá

O "principio de acordo" con Madrid que aborda este mércores o Consello Interterritorial implica "limitar a mobilidade" en cidades con máis de 100.000 habitantes que superen varios limiares epidemiolóxicos. O pactado responde ao reclamado por Ayuso no sentido de que as restricións adicionais non sexan só para Madrid, aínda que actualmente todas as cidades que cumpren todas as condicións están só nesa comunidade. A Fegamp di que a Xunta accede a informar aos concellos dúas veces á semana, pero parcialmente

A media semanal de novos casos diarios descende ata os 219, a cifra máis baixa nun mes. Catro das cinco persoas falecidas, que elevan o total a 736, son da área sanitaria da Coruña. Os casos "activos" aumentan só na área sanitaria de Ourense mentres o total de persoas hospitalizadas con test positivo do coronavirus tende á estabilidade

O texto que o PP promoverá aprobar no Parlamento, nos concellos e nas deputacións parte da tese de que está "en marcha" un "proceso para liquidar a nosa democracia". Inclúe un punto de defensa "da unidade da nosa nación" e outro, chamando a "protexer e apoiar o labor (...) de todas as institucións do Estado, co rei á cabeza"