- Crónica
- Política
Feijóo rexorde no escenario estatal resucitando a súa ansia de coalición PP-PSOE
É calquera cousa menos novidoso que Feijóo aposte por pactos PP-PSOE, pero reiteralo na última semana serviulle para volver emerxer nun medio do que gusta especialmente, o do debate político estatal
Pontón anima a poboación "enfadada" co "bipartidismo harmónico" a apoiar o BNG como "única organización libre"
"Nós non lles imos fallar" ás persoas "enfadadas co seu voto" ao PSOE ou Podemos por mor da "guerra de tronos de Sánchez e Iglesias", di Ana Pontón, quen ve a Feijóo "cada día máis desesperado por facerse notar" no contexto estatal
A propiedade da Torre dos Moreno de Ribadeo marcha de vez a Asturias e Madrid
A empresa Paisajes de Asturias suma ao seu 60% de propiedade da deteriorada Torre dos Moreno ao 21% ata agora nas mans do Concello mediante unha permuta coa que o consistorio obtén outro edificio para instalar o Xulgado de Paz
Outra vaga de incendios golpea os montes do interior galego: o peor, na Gudiña
O peor incendio desta nova vaga é o da Gudiña, con máis de 400 hectáreas ardidas, que puxo en risco áreas habitadas durante a noite. Quiroga, Palas, Chandrexa ou Riós son tamén municipios afectados por focos de lume, varios deles iniciados durante a madrugada do venres ao sábado
As residencias de maiores anunciadas pola Xunta en 2017 construiraas en 2020 a Fundación Amancio Ortega
Feijóo anunciou por primeira vez estas sete residencias en febreiro de 2017 cun investimento de 47,7 millóns por parte da Xunta; segundo o acordo asinado agora custarán 90 millóns. O convenio coa entidade do fundador de Inditex chega despois duns anos nos que foron diversas as alertas polas carencias na asistencia ás persoas maiores en residencias dependentes da Xunta
A Xunta di que se o Estado non ingresa a Galicia o diñeiro pendente compensarao con débeda e non con recortes
Ao contrario do afirmado durante a etapa da crise Feijóo admite agora que "recortar o orzamento" implicaría "recortar os servizos públicos" e por iso, di, se o Goberno de España non transfire os 700 millóns pendentes a Xunta compensaraos con débeda
A Xunta tenta competir co alumeado de Nadal de Abel Caballero anunciando luces ornamentais na ponte de Rande
Cadrando co inicio da instalación do alumeado de Nadal por parte do Concello vigués, Corina Porro e a conselleira de Infraestruturas anuncian que pediron a Audasa un novo alumeado na ponte sobre a ría para facela equiparable ao Golden Gate de San Francisco
Feijóo esgrime o bloqueo estatal na estrea parlamentaria de Caballero, que o insta a "gobernar o ano que lle queda"
"Leva xestionados máis de 100.000 millóns de euros cun balance fondamente negativo", advirte o líder do PSdeG na súa primeira sesión de control, que o presidente da Xunta procurou capitalizar anunciando envío dunha carta a Pedro Sánchez cunha "proposta de Real Decreto" que, di, permitiría transferir os fondos pendentes ás autonomías co Goberno de España en funcións
O PP defende o veto ás camisolas contra o "decoro" no Parlamento para poder "debater sen presións"
"Calquera pode levar a camisola que queira, pero fóra deste hemiciclo", xustifica o PP sobre a normativa plasmada dende este luns nun documento específico. A prohibición xa foi aplicada este martes a veciñanza da Illa de Ons, que non puido seguir a sesión portando camisolas co lema 'Ons en loita'
Un informe da UE advirte de riscos para a agricultura galega polas secas máis "severas" que trae consigo o cambio climático
O estudo da Axencia Europea do Medio Ambiente sobre o impacto do cambio climático no agro sinala a "maior parte de Portugal e Galicia" como áreas nas que "o incremento da severidade das secas será máis pronunciado". A nivel continental o informe sinala entre as consecuencias do incremento das secas un "aumento da demanda de regadíos" e "conflitos pola demanda de auga entre diferentes sectores"
Casado teima na confluencia electoral do PP con Ciudadanos e Feijóo elóxiaa para "fóra de Galicia"
"Como non nos imos poñer de acordo quen defendemos a España?", pregúntase o líder do PP pouco despois de que o presidente da Xunta considerase que "Galicia Suma é o PPdeG" e "fóra de Galicia, que decida a cúpula nacional e en cada comunidade"
O Parlamento ratifica o veto a actos reivindicativos nas súas instalacións fixándoo por escrito
A Presidencia do Parlamento ultima un documento que sintetiza as limitacións para usar espazos do Pazo do Hórreo en actos como os organizados pola oposición contra os recortes sanitarios e concreta a prohibición de imaxes ou vestimentas que afecten ao "decoro" da institución. A oposición ve un novo atranco á liberdade de expresión