David Lombao

A maioría absoluta lograda nas urnas polas formacións da esquerda o 28M volve ser dabondo para reeditar por sétima vez consecutiva unha investidura apoiada no bloque progresista na cidade da Muralla. Méndez espera que a acción do goberno que volve presidir actúe como "revulsivo de orgullo lucense" e, entre apelacións á "valentía para proxectar o Lugo actual", pide "interese polo entendemento" e "boas praxes" á oposición agora exercida en solitario polo PP

José Ramón Gómez Besteiro regresou á primeira liña política o pasado marzo, cando Pedro Sánchez o nomeou delegado do Goberno de España en Galicia. Aínda que non poida evitar realizar unha análise da situación en clave netamente galega, prefire non alimentar polo momento a expectativa de ser candidato á Xunta. Menos aínda tras encomendarlle o propio Pedro Sánchez que encabece a candidatura do partido por Lugo nas eleccións xerais, unha "batalla" fronte á dereita que, di, se vai "decidir" en provincias como a súa

O voto ao Bloque, mantén Pontón, ten un dobre valor o 23X: "que Galiza teña voz propia en Madrid", pero tamén "frear en seco un posible goberno da dereita coa extrema dereita machista e antigalega".

O PP tentou ata última hora reter un dos seus concellos históricos enviando ao Senado ao ata agora alcalde, Manuel Ruiz Rivas, para procurar evitar que o PBBI se sumase ao pacto que dará a alcaldía a Luís Pérez Barral. O pacto asinado inclúe o reparto de concellerías, as "liñas de traballo" e cláusulas de "estabilidade" dun goberno que terá que agardar un chisco máis do esperado, porque a xestión dun recurso electoral atrasa a constitución das corporacións de todo o partido xudicial de Noia ao 7 de xullo

A renuncia de José Manuel Baltar pode converter os feitos políticos deste xuño de 2023 en algo tan histórico como o sucedido a principios dos 90, cando Victorino Núñez deixou nas mans do seu pai a Deputación que gañara Centristas de Galicia. Todo dependerá en boa medida de se a institución provincial permanece ou non nas mans do PP. Polo momento, o herdeiro do baltarismo non marcha de todo.

PSdeG e BNG seguirán tendo a maioría dunhas alcaldías urbanas nas que haberá dous cambios: o BNG obterá a de Santiago e o PP volverá á de Ferrol. Alén das sete principais cidades, o PSdeG ten 'atadas' investiduras como as de Vilagarcía, Ames, Culleredo ou Redondela e o BNG, Carballo e Cangas. Arraigadas formacións locais recuncan en Narón, Oleiros e Cambre. En Ribeira, unha escisión da dereita pon en risco tres décadas de hexemonía dos populares

O presidente aproba a reestruturación do gabinete precipitada pola inclusión do ata agora vicepresidente Conde nas listas do PP para as xerais, que implica tamén a saída da que era a súa integrante máis veterana xunto co propio xefe do Executivo, Rosa Quintana, titular de Mar

"Se tes idade para traballar e pagar impostos, tamén a tes para votar e decidir o futuro do teu país", defende Ana Pontón. A proposta suporía incorporar unhas 46.000 persoas ao censo galego. A reforma da lei de eleccións promovida polo BNG inclúe a obrigatoriedade dun mínimo de dous debates electorais por campaña nos medios públicos

Home de confianza en materia económica de Feijóo desde hai máis dunha década, Conde será cabeza de lista do PP ao Congreso por Lugo, o que obriga a Rueda a remodelar novamente o Goberno galego

O PP argumentaba no seu recurso contra a lei educativa, rexeitado polo TC, que denominar "propias" ás linguas oficiais diferentes do castelán implica que esta quede como "allea, estraña, obrigada ou imposta"

Como en 2009, Feijóo tamén promete agora múltiplas derrogacións. Unha das prometidas daquela, a do decreto do galego, escenificouna meses antes de aprobala na mesma reunión na que, sen facelo público, aprobou pagar 1,03 millóns a unha consultora por un informe sobre a fusión das caixas. A guerra cultural como veo sobre o material.

Tras os resultados das municipais, Pontón amósase convencida de que o Bloque está en condicións de dar un "salto adiante" tamén no Congreso. Todo apunta a que Rego recuncará como cabeza de lista pola Coruña mentres quedan por despexar as tres restantes. "Non somos o PP ás ordes de Génova nin o PSdeG ás ordes de Ferraz; somos o BNG ás ordes da cidadanía galega", apunta a portavoz nacional