David Lombao

Os populares, tanto con Casado como con Feijóo, emendaron a Lei de Memoria Democrática para, entre outros aspectos, pedir a supresión do artigo que anula os títulos nobiliarios concedidos pola ditadura. O ex-presidente votou a prol da emenda como senador por designación do Parlamento, igual que os senadores populares electos polas circunscricións galegas, mentres que os do PSdeG votaron en contra e apoiaron a lei

O montante de investimento previsto en Galicia nos Orzamentos Xerais de 2023 supón apenas 3 millóns máis que en 2022. A autovía A-54 segue sendo a principal obra estatal en territorio galego e, unha vez concluída a conexión por alta velocidade coa Meseta agás a variante de Ourense, o groso do investimento ferroviario vai á liña convencional. Alén dos investimentos, as contas contemplan case 70 millóns para bonificar peaxes da AP-9

Praza.gal solicitou ao abeiro da Lei de Transparencia os datos da enquisa sobre fusións municipais da que a Xunta publicitara algunhas cifras. Tras dous recursos, o Goberno di que só ten parte dos datos mentres a Fundación que fixo o inquérito completa un traballo máis amplo e só revela as "principais conclusións", como que o apoio ás fusións cae ao 56% se implican ao propio concello ou que "a poboación se identifica primeiro con Galicia, seguida da aldea ou vila de residencia e o barrio"

Os desafiuzamentos seguen multiplicando practicamente por 15 os novos casos de ocupacións en Galicia. Mentres o Poder Xudicial difunde estes datos, Rueda axita no Parlamento a pantasma da ocupación en resposta a Pontón (BNG), que lle reclama máis investimento en "políticas sociais de vivenda". O presidente defende medidas como a previsión de 1.200 novas vivendas protexidas e asegura sen citar dato ningún que moitas persoas "teñen unha vivenda que non usan e non se atreven a poñela en aluguer" por se llela ocupan. 

No outono de 1987, o socialista Fernando González Laxe foi investido presidente da Xunta tras desbancar mediante unha moción de censura o popular Fernández Albor, albo de conspiracións no seu propio partido.

Pouco despois de dar por desbotada a reforma fiscal, o Goberno de España lanza un paquete de modificacións na materia que inclúe novos tributos para quen teña máis de 3 millóns e diminucións de impostos para salarios inferiores a 21.000. O pagado por imposto de patrimonio desgravará no das grandes fortunas, o que na práctica neutraliza rebaixas fiscais á poboación máis rica como a anunciada nos últimos días pola Xunta

O ex-presidente incorpora á directiva estatal do seu partido a Marta Fernández Currás, quen como responsable de Facenda do Goberno galego asinara a autorización da fusión de Caixa Galicia con Caixanova, documento que a Xunta mantivo oculto durante anos, ata que foi condenada a entregalo ao Parlamento

Tras outro recente peche dunha póla do caso Pokémon contra Conde Roa (PP), un xulgado de Ourense arquiva as acusacións de tráfico de influencias contra o ex-rexedor ourensán Francisco Rodríguez ao velas baseadas en "sospeitas ou indicios preliminares". Os investigados "non tiveron posibilidade de recoñecer ou contrastar" as escoitas telefónicas nas que De Lara baseou o caso, di o xuíz

Os prezos da vivenda aumentaron por riba do 20% en cinco anos en Galicia tanto en compras como en alugueiros. Os desafiuzamentos multiplican por 15 as novas demandas xudiciais por ocupacións ilegais, nas que a conselleira puxo o foco do seu encontro co delegado do Goberno de España en Galicia. O delegado gobernamental resalta que centrou a reunión en "debullar os 419 millóns de investimentos" do Estado en Galicia "para políticas de vivenda" e a importancia de que a Xunta as xestione "con dilixencia"

A partida máis cuantiosa no patrimonio das arredor de 8.000 persoas ás que atinxe este imposto en Galicia son capitais mobiliarios como participacións en empresas, por algo máis e 43.000 millóns, pero a que máis aumentou en 2020 foi a de "bens suntuarios". A continuación, no último ano con datos dispoñibles destaca o incremento do patrimonio en bens inmobles

Rueda protagonizará unha inusual comparecencia sobre as "liñas estratéxicas" dos vindeiros Orzamentos na que gozará dun formato moi semellante ao que tivo Pedro Sánchez recentemente no Senado e incomodou abertamente a Feijóo. É un modelo moito máis cómodo para o presidente, á procura de proxección pública que o debate de política xeral reclamado por Ana Pontón (BNG); o Regulamento prevé non celebralo en anos nos que houbese investidura da presidencia da Xunta

Coa reforma que vén de ser aprobada definitivamente o electorado do estranxeiro recibirá os sobres de votación sen solicitalos, poderá descargar de internet as papeletas e votar en urna ou remitir por correo papeletas que xa non viaxarán en sacas, senón en valixa diplomática. A norma tamén prevé depurar o censo exterior, que en Galicia xa supón máis do 17% do total, co 70% das inscricións en América, a metade delas na Arxentina. Coas taxas de participación previas á reforma de 2011, cabe agardar a chegada a Galicia duns cen mil votos en cada convocatoria