David Lombao

Durante os anos 90 os maiores incendios roldaban as 3.000 hectáreas; no que vai de século XXI chegaran a arder máis de 7.000 en Cerdedo (2006) e case 9.000 en Ponteareas (2017). Agora, os focos do Courel e Valdeorras xa superan as 10.000 nunha vaga azouta espazos naturais protexidos onde, malia tratarse de zonas moito menos poboadas que o eixo atlántico, foi preciso realizar desaloxos por risco para as persoas mentres nalgunhas aldeas arderon máis dunha decena de casas

O presidente do Goberno de España insta a que as políticas ambientasi "transcendan lexislaturas e Administracións". Rueda atribúe actual onda a un contexto meteorolóxico "absolutamente inédito" e, fronte ás críticas pola demora na constitución de brigadas municipais, reitera que a Xunta ten activa a "totalidade do operativo" de extinción. Pontón, que tamén visitou a zona, avoga por "outro modelo forestal" e "medidas estruturais" de prevención e loita contra o despoboamento: "O que estamos a vivir vaise agravar co cambio climático"

A actual onda de lume concéntrase en espazos de alto valor natural e patrimonial en áreas de montaña de Lugo e Ourense, entre eles espazos protexidos como a Serra da Enciña da Lastra e O Invernadeiro. Ademais de arrasar milleiros de hectáreas de monte, pon en risco e xa calcinou vivendas en varias aldeas

CIG e BNG advirten de que brigadas municipais contra incendios están sen constituír ou padecen escaseza de medios, o PSdeG sinala a "lentitude" da actuación en áreas coma o sur de Lugo. Rueda "garante" que están a actuar "todos os efectivos dispoñibles". Ante a actual vaga de incendios agroman tamén advertencias de maior percorrido, coma o impacto da crise climática ou o abandono da actividade agrogandeira

Folgoso do Courel, A Pobra do Brollón, Carballeda de Valdeorras e Vilariño de Conso son os concellos afectados polos principais focos tras "descontrolarse" a situación durante as treboadas da pasada semana, segundo Medio Rurall. En máis de media ducia de incendios os focos poñen en perigo contornas habitadas

O Concello sadense insta o Goberno de España a presentar canto antes a demanda posesoria por todos os bens do pazo e urxe á Xunta a ampliar a declaración BIC de Meirás para protexer tamén todo o seu contido

O IGE ratifica que o saldo vexetativo e a cifra de nacementos foron en 2021 os máis negativos dende que hai datos comparables. En 13 municipios non se rexistraron nacementos durante o pasado ano

O maxistrado conclúe que estes bens, que non inclúen elementos clave da 'herdanza' de Pardo Bazán, deben ser considerados "bens inmobles inseparables" do conxunto e avala tamén a conservación do inventario das propiedades do pazo. Subliña que non pode realizar resolución ningunha sobre a propiedade dos bens por non ser reclamada no proceso orixinal, pero lembra que o Estado pode reivindicalos nunha nova demanda

O BNG pide contas ao Goberno galego por un ditame xudicial "histórico" que, defende, vai alén do laboral e ten "dimensión colectiva" e "política". O vicepresidente Calvo responde que "critica por criticar" e acusa a Pedro Sánchez de facer "purgas" en RTVE

O deputado do Bloque, Néstor Rego, reclama ao presidente do Goberno de España durante o debate de política xeral que "cumpra con Galiza" impulsando os puntos pendentes do seu pacto e coida que algunhas das medidas fronte á crise de prezos van "na boa dirección", pero manifesta "dúbidas":  "En Galiza non existe Cercanías e os trens de media distancia necesitan mellorar en frecuencias, horarios e prezos", exemplifica

A eléctrica e Transición Ecolóxica reuníronse sen informar ao respecto. Sobre a mesa, posibles novas reactivacións da térmica pola crise enerxética global, o que atrasaría o peche definitivo. No comité de empresa da central advirten de que, alén deste eventual "balón de osíxeno", cómpre "acelerar a vía da independencia dos combustibles fósiles foráneos, caros e contaminantes" cos proxectos de renovables coma os xa presentados

No inicio do debate de política xeral no Congreso, o primeiro en sete anos, o presidente do Goberno de España di ser "plenamente consciente" do impacto da crise de prezos nos fogares e asegura estar en disposición de "deixar a pel" a prol da "maioría social"