David Lombao

O padrón galego no exterior supera o medio millón de persoas, a maioría nadas fóra. As nacidas no país e polo tanto emigrantes só son maioría entre as que superan os 65 anos. A poboación de 16 ou menos anos que naceu en Galicia e vive noutro Estado pasou de apenas 800 persoas en 2009 a máis de 2.300 no inicio de 2022

A Xunta edita guías de aforro enerxético con temperaturas límite de aire acondicionado e calefacción, da que pide "non abusar". Agora, a dirección do PP cualifica medidas coma estas de "ocorrencia" ou "broma de mal gusto" do Goberno de España. Neste verán, xa con Rueda na presidencia, o Executivo galego volveu recomendar "controlar o consumo de aire acondicionado" cun límite de 26 graos e "manter pechadas portas e fiestras cando funcione a climatización"

O veterano festival impulsado pola Asociación Cultural Xermolos regresa estes 6 e 7 de agosto ao seu histórico torreiro. Comando Curuxás, Ruxe Ruxe ou Carapaus, entre as bandas e artistas que desta volta responden á chamada de "vinde merendar a Pardiñas!"

A alcaldesa lucense ve motivacións partidarias no "non" da Xunta á praia fluvial pública que "permite a numerosos municipios da contorna. O Goberno galego alega a presenza dunha colonia de mexillóns e aspectos ligados ao caudal mentres a Confederación Hidrográfica sinala que a instalación "cumpre" a normativa de augas e advirte de que o Goberno galego tamén a está a frear para restaurar o caneiro da Acea de Olga

Non é a primeira vez, nin sequera a máis masiva. Pero o encontro que estes días acolle Santiago contribúe a acentuar a sensación de deterioro por repetición e saturación cun modelo turístico que a Xunta eleva á categoría de "puntal do despegue" de Galicia. As 12.000 persoas que participan no evento da Igrexa sumaranse ás máis de 218.000 rexistradas na Oficina do Peregrino ata agosto mentres a Xunta explicita a súa vontade de "bater o récord de peregrinos" de 2019 e superar as 347.000 chegadas

Medio Rural e bombeiros forestais manifestan a convicción de que o incendio de Verín, onde xa arderon 600 hectáreas, foi provocado cadrando coas horas de máis calor. Tamén continúan sen controlar outros focos na Mezquita, Maceda, Calvos de Randín ou Ponteareas

Medio Rural revela a existencia de ata 26 incendios en dous días nos que apenas informou de media decena. A Xunta explica que a Unidade de Investigación de Incendios Forestais atopou "indicios de intencionalidade" en varios montes onde houbo "conatos" dos que tampouco informara

Audasa cobrou en portaxes máis de 80 millóns de euros no primeiro semestre do ano, no que ingresou 17 millóns pola subvención do Estado. O tráfico da autoestrada de xaneiro a xuño supera nun 0,4% o rexistrado antes da pandemia mentres os ingresos da concesionaria soben un 12% e as ganancias, un 14%

O paro rexistrado sobe levemente na media estatal (+0,11%) e mantense nunha lixeira baixa en Galicia (-0,77%). A afiliación media á Seguridade Social é en Galicia a maior en termos absolutos dende finais de 2008. Os algo máis de 30.000 contratos indefinidos rexistrados son un novo máximo dende que hai datos comparables

O decreto prohibe manter abertas as portas dos locais climatizados para evitar "o desbalde enerxético". As obras de eficiencia enerxética das Administracións poden acollerse á vía negociada sen publicidade "por causa de imperiosa urxencia"

A maioría das principais institucións locais galegas están gobernadas por coalicións entre as que destaca unha excepción convulsa, a do PP con Democracia Ourensana, que vén de rachar por segunda vez. Mentres, no Concello, Jácome se dispón a gobernar con 4 edís ata a fin do mandato, na Deputación Baltar ratifica o retorno ao PP da deputada que lle marchara a Ciudadanos en 2019 e garántese a absoluta sen DO

O petróleo cotiza nun 12% menos que no inicio da guerra da Ucraína, pero o litro de gasolinas e gasóleos é arredor de 10 céntimos máis caro que daquela