David Lombao

Á espera do primeiro encontro con Sánchez e das primeiras decisións que poidan permitir albiscar o seu selo alén da mera continuidade, Rueda desprega unha axenda pública que semella encamiñada a darse a coñecer. Polo momento, as reunións do Consello da Xunta co novo presidente á fronte céntranse en nomeamentos e en completar asuntos que xa tiñan a súa tramitación iniciada

En xuño de 2012, o Goberno de España asumía o rescate da UE para sanear parte do sector bancario. "Non ten nada que ver cun rescate" e os bancos terán que "devolver" os cartos "no seu momento", aseguraran. Só rescatar Novagalicia Banco custou uns 9.400 millóns de euros públicos dos que o Banco de España deu por perdidos máis de 8.600

As camas hospitalarias bloqueadas son arredor do 10% das dispoñibles e Sanidade vén reiterando que as abriría antes do previsto se fosen precisas

O Concello recibiu o edificio en 2020, catro anos despois de que Feijóo inaugurase a obra contratada pola Xunta, cando "moitas das garantías xa estaban caducadas", resalta a alcaldesa. O estudio de arquitectura que avaliou os problemas do edificio detecta "problemas estruturais e deficiencias construtivas" ás que se engaden os efectos do prolongado peche

O presidente da Xunta centrou os seus primeiros encontros institucionais coa portavoz nacional do BNG e o secretario xeral do PSdeG na axenda de asuntos que prevé trasladar a Pedro Sánchez cando o reciba na Moncloa. A necesidade de inxectar máis fondos no Sergas, a comezar pola Atención Primaria, encabezou as reclamacións dos líderes da actual oposición

A maior parte dos lanzamentos seguen rexistrándose en vivendas alugadas, con 351 fronte aos 84 derivados de hipotecas. Os novos casos de ocupación quedaron en 29, sete máis que nos dous trimestres previos

O pasado 31 de maio celebrouse o Día do Leite nun contexto marcado pola redución de explotacións e un relativo mantemento do número de animais, con algo máis de medio millón de vacas rexistradas, arredor de 300.000 delas de muxidura. Repasamos a súa distribución sobre o territorio e tamén coñecemos os 65 concellos que, segundo os datos máis recentes, teñen máis vacas que persoas

A transferencia da xestión do litoral xa fora abordada nos tempos do Goberno de coalición PSdeG-BNG e a Xunta do PP retomou a petición en 2021, despois de que o Estado limitase a súa intención de permitir aumentar ata un 50% o volume de construcións á beira do mar. O Goberno de España argumenta que para transferir estas competencias cómpre reformar o Estatuto

Na banda contraria dos ministerios, organismos e empresas estatais que non investiron todo o previsto estivo Adif-Alta Velocidad, que executou investimentos por máis do dobre do orzamentado nese ano para Galicia

Ministerios, entes autónomos e compañías estatais prevían investir 792 millóns de euros en Galicia e executaron 532. As empresas públicas, responsables de grandes obras como as ferroviarias, investiron en Galicia o equivalente a un 63% do que preveran en 2021, a maior porcentaxe en media década e só superaron o 100% de execución e Madrid. 

Paliar a suba de prezos, 200 millóns para Atención Primaria e xestión pública das novas residencias de maiores son as prioridades da portavoz nacional do BNG para o encontro e o secretario xeral do PSdeG sinala o "colapso sanitario" como tema central que levará á xuntanza. Populares, nacionalistas e socialistas ollan de esguello ás municipais, primeiro reto electoral do novo ciclo político aberto coa marcha definitiva do ex-presidente a Madrid

As consellerías trasladaron ao 2022 un total de 176,3 millóns de euros que deixaron sen comprometer en 2021, un 40% menos que un ano antes. Nas entidades instrumentais do Goberno galego, os fondos non gastados superaron os 270 millóns, máis do duplo que no exercicio previo. Os fondos trasladados, como norma xeral, non se perden. Son reasignados no exercicio seguinte para as mesmas ou outras funcións