David Lombao

Os trens Avril de ancho variable permitirán aos servizos de AVE coa Meseta continuar a marcha dende Ourense ata o resto de cidades galegas. Renfe disponse a "determinar as penalizacións correspondentes" a Talgo, que "debeu entregalos para poder entrar en servizo este verán". Os populares din ver constatado que "o AVE non chegou a Galicia"

A CNMC sanciona con 203 millóns a Acciona, Dragados, FCC, Ferrovial, OHL e Sacyr, que aínda poden recorrer á Audiencia Nacional. Segundo o expediente, as construtoras concertábanse "de costas ás entidades licitantes" para compartiren traballos cos que concorrían a contratos de obras públicas, co conseguinte "aforro de custos e vantaxe competitiva" a respecto do resto do sector

Política Social sinala que a implantación da gratuidade da matrícula nas escolas infantís públicas e privadas dende a primeira filla ou fillo "incrementou de forma importante o número de matrículas" e inxecta nos seus orzamentos 7,81 millóns procedentes do ingreso estatal polo IVE atrasado. O cambio na xestión do IVE aplicado en 2017 polo Goberno de Rajoy provocou que Galicia non ingresase algo máis de 200 millóns

"40% dos ingresados ingresan por COVID e o 60%, con COVID", salienta o conselleiro de Sanidade. Outras patoloxías supoñen un 65% de ocupación en unidades convencionais e un 30% en coidados intensivos. O Sergas reitera as recomendacións de "levar máscara no traballo e no ámbito social" a "quen teña síntomas ou sospeitas" de contaxio e de poñer a dose de reforzo da vacina a quen aínda non a teña

O Estado recortou a subvención de 2,4 millóns concedida a Vestas ao considerar, entre outros aspectos que investira en Viveiro 9,35 millóns e non os 12,5 que prevera. A compañía recorreu á Audiencia Nacional, que lle deu parcialmente a razón mentres executaba a reconversión da factoría mariñá, destruíndo a maioría dos postos de traballo

O texto do convenio, no que o Concello puxo 32.000 euros sinala que persegue que os turistas poidan ser atendidos "sen menoscabo da calidade habitual do sistema público de saúde de Galicia". Colectivos na defensa da sanidade pública ven a medida "populista" e apuntan á precariedade laboral como causa da escaseza de persoal

Dende finais do pasado 2021 os fogares que toman medidas como mercar máis marcas brancas ou acudir a máis produtos de oferta aumentaron case 20 puntos e superan o 25% do total. Mentres, en case un de cada cinco fogares galegos prevén ir de vacacións este verán, o valor máis alto da serie histórica que comeza en 2010, e a percepción sobre a economía persoal é menos pesimista que a respecto da situación económica xeral de Galicia

A contratación indefinida medra por riba do 300% internual por segundo mes consecutivo e a temporal cae un 35% a respecto do mesmo mes de 2021. O sector servizos protagoniza tanto a baixada do paro, por riba da media estatal, como a suba do emprego

Dende principios de ano os pacientes coa COVID ocupa máis porcentaxe de camas en unidades convencionais que nas UCI e o total rolda actualmente o 8% tras leves subas nos últimos días. Sanidade subliña que o groso de positivos son leves e reitera os consellos de "sentido común" e uso da máscara para quen "teña síntomas ou crea que está contaxiado"

Rodil (BNG) reclama que a Tarxeta Básica sexa permanente como "ponte" para persoas que agardan pola Risga ou o IMV e que a Xunta a combine cun "plan de rescate" para afrontar a inflación. Formoso (PSdeG) lamenta que, coa cancelación da axuda, a Xunta vaia "no senso contrario" das necesidades da poboación con menos recursos "nun momento de prezos disparados"

O Plan Estratéxico do Goberno galego ata 2030 promove "aproveitar o nicho de mercado que supón na actualidade o envellecemento, de xeito que sexa unha oportunidade de emprego e de creación de novos retos". Admite "deficiencias de cobertura" na atención á terceira idade, entre elas "nas prazas públicas residenciais" e sinala que prevé sumar unhas 4.000 ata 2030, sen aclarar a titularidade pública ou privada ou a súa xestión directa ou concertada

O día que entrou en vigor a subvención de 20 céntimos, o litro de gasolina custaba uns 1,83 euros en Galicia. Agora, co desconto incluído, rolda os 1,95. Competencia di estar a vixiar se as gasolineiras están a incrementar as súas marxes de negocio en plena espiral inflacionista