David Lombao

Unha norma estatal de 1983 outorga un lugar preeminente ao líder do primeiro partido da oposición do Congreso nos actos oficiais e un decreto ditado polo Goberno galego en 2007 sitúa os ex-presidentes nestes eventos "no lugar inmediatamente posterior aos titulares dos departamentos da Xunta"

Sen contexto, as cifras de hospitalización de pacientes co coronavirus poden levar a pensar que a pandemia están un escenario semellante ao de hai un ano, en plena vacinación e con múltiples restricións. Dende os hospitais subliñan que "non ten nada que ver" coas vagas previas. Analizamos os datos e coñecemos o perfil actual das persoas que ingresan "con" e "por" COVID coa axuda da xefa de Medicina Preventiva do CHUAC e da máxima responsable de Microbioloxía do CHUS

O Ministerio de Transportes estima parcialmente o recurso de varias administracións e impón a denominación ría de Ribadeo tras advertir da falta de motivación do informe no que o Instituto Xeográfico Nacional baseou a súa resolución e a imposibilidade de coñecer os argumentos e razóns desta.

A reforma que vén de aprobar a comisión Constitucional do Congreso, promovida polo PSOE e UP, naceu coa intención de suprimir o voto rogado, implantado en 2011 para frear a fraude na participación electoral do censo dos chamados residentes ausentes. Establece, ademais dun novo modelo de participación en urna e por correo, que o censo exterior se revise cada cinco anos para suprimir inscricións de persoas falecidas e suprimir erros

O ex-presidente racha a súa última ligazón coas institucións galegas tres meses despois do inicio da crise do PP que o levou a Madrid

Malia ao retroceso xeral, Ames segue sendo o concello demograficamente máis dinámico do país. Ferrol é o municipio con máis de 20.000 habitantes que ten maior porcentaxe da súa veciñanza de 65 ou máis anos, segundo os datos que vén de actualizar o INE

"Estoume censando no Concello de Almeida", asegurou o ex-presidente da Xunta no congreso do PP de Madrid, onde sinalou que "nos próximos días" a "presidenta do meu partido" será a xefa de filas da formación na comunidade autónoma madrileña. Que pase a estar empadroado en Madrid non impide legalmente que sexa senador por Galicia, pero si implica que perde a "condición política de galego", segundo o Estatuto de Autonomía. BNG e PSdeG amosan a convicción de que o ex-presidente non vai "representar os intereses" de Galicia no Senado e se limitará a tentar confrontar con Pedro Sánchez

Case o 40% das valoracións de grao de discapacidade no primeiro ano afectado pola pandemia foron realizadas sen atención presencial. Anteriormente, o habitual era que fosen apenas o 1%. Política Social admite os datos nunha resposta parlamentaria ao PSdeG, que ve "un erro" facer esta avaliación sen tratar en persoa cada caso e insta a revisar de oficio todos os expedientes afectados

A área turística da Xunta, que na última década foi gañando peso orgánico e orzamentario, leva ao mando orgánico de Rueda dende 2020, cando Feijóo a trasladou á Vicepresidencia. Nos últimos dous anos, as partidas turísticas suman máis que as culturais nos Orzamentos. Neste 2022 acadan os 115 millóns, o groso xestionados a través da Axencia Turismo de Galicia, que nos últimos días pechou patrocinios con diversos medios de ámbito estatal por 1,2 millóns

Considerou que a visita de Juan Carlos de Borbón a Sanxenxo contribúe a "poñernos no mapa", xerando a súa primeira controversia política como presidente da Xunta. Pontón (BNG) ve "politicamente inaceptable" a afirmación, porque "dicir que un rei fuxido dá prestixio a Galiza é unha ofensa á xente deste país". O PSdeG sinala que a visita xera "unha sensación amarga" porque "quen ostentou a xefatura do Estado non cumpriu coa exemplaridade", polo que "non debería andar facendo ostentación"

A casualidade e o calendario marcado por Feijóo para a súa remuda propiciaron que o primeiro acto oficial de Rueda como presidente tras as tomas de posesión sexa a celebración do Día das Letras Galegas. Transcorreron 13 anos dende que o agora presidente se manifestara contra unha suposta ausencia de liberdade en Galicia pola "imposición" do idioma ou dende que, como conselleiro, impulsara a reforma que eliminou a obriga de realizar cando menos un exame en galego en cada proceso selectivo da Xunta

Os depósitos da entidade cooperativa con sede en Lugo superan por primeira vez os 1.500 millóns (+20%) e o crédito acada os 784 tras medrar un 11%. "Seguimos convencidos da necesidade dunha banca diferente, con oficinas abertas, manténdoas todas e coa vontade de seguir abrindo estratexicamente algunha máis", sinala o seu presidente na asemblea xeral que aprobou as contas do pasado exercicio