Marcos Pérez Pena

As reunións sociais estarán limitadas a un máximo de dez persoas en toda a cidade lucense, onde todas as festas quedan suspendidas, os centros de día pechados e restrinxidas as visitas a residencias, ademais de limitar ao 50% a capacidade de locais. No barrio da Milagrosa e no concello de Arteixo as medidas son máis duras, con xuntanzas limitadas a 5 persoas e a prohibición de bares de servir no seu interior

No último día acadouse o maior número de PCR realizadas en Galicia nunha soa xornada, un total de 4.891, triplicando as cifras de hai un mes. A Coruña, Santiago e Lugo seguen a ser as zonas que máis aumentan os seus casos activos. A área lucense multiplicou por 5 os seus datos nos últimos dez días.

A relación entre novos positivos e probas realizadas mantívose por debaixo do 1% entre o 15 de maio e o 15 de xullo, comezando a medrar nese momento e disparándose ao chegar agosto. O dato galego, con todo, sitúase por debaixo da media do Estado.

Goberno central e comunidades autónomas acordaron este xoves unhas pautas e medidas básicas de seguridade para o regreso ás aulas. As recomendacións contradín a distancia mínima de 1 metro aprobada pola Consellaría de Educación e fan fincapé na ventilación de espazos, pero non establecen ratios máximos de alumnado.

O Ministerio de Sanidade presentou un documento de recomendacións de seguridade para a volta ás clases no que define tres escenarios posibles. A detección de dous casos será considerado un gromo e só se existe transmisión comunitaria non controlada en varios grupos se valorará o peche completo dos centros de ensino

A área sanitaria da Coruña suma 70 das persoas ingresadas e mantén os peores datos de incidencia, seguida de Lugo, Santiago e Ourense. Este xoves hai que sumar dous novos falecementos pola enfermidade, acadando as 635 persoas, 16 dende o inicio desta segunda fase da pandemia

Os positivos detectados sitúanse ao nivel da primeira semana de abril pero, iso si, realizando o dobre de probas PCR. Os datos empeoran sobre todo na Coruña, Santiago e Lugo, onde na residencia da terceira idade do Incio apareceron outros 31 contaxios entre as persoas usuarias do centro, sumando xa 87 infeccións.

A poucos días da volta ao cole aínda son moitas as dúbidas e preguntas entre o profesorado e as familias ante a difiicultade de conxugar presencialidade e seguridade e as críticas á organización e deseño levados a cabo pola Consellaría de Educación. Esta é a situación nas restantes comunidades autónomas

Na área sanitaria con centro en Compostela o número de casos activos medra en 55 este martes. No conxunto de Galicia os novos positivos seguen a crecer a un ritmo de 200 diagnósticos ao día. 

No inicio do mes de agosto Galicia era o segundo territorio con menos casos de coronavirus por habitante, pero hoxe é o sétimo. Nas últimas dúas semanas o noso país foi a terceira comunidade autónoma que menos probas realizou para localizar positivos

Dende o venres duplicouse a cifra de pacientes de covid-19 nas UCI dos hospitais galegos. Na última semana rexistráronse 1.408 novos casos de coronavirus en Galicia, case 1 de cada 10 do total rexistrado dende o inicio da pandemia. A Coruña acumula a metade dos casos activos, pero a área de Santiago é a que máis rapidamente incrementa as infeccións este luns

Neste novo tempo xorden novas preguntas e dúbidas sobre a pandemia, os riscos actuais e as posibles medidas que se deben adoptar, cuestións ás que tentamos dar resposta falando con dous dos expertos galegos máis recoñecidos na materia, Juan Gestal e Francisco Caamaño.