Marcos Pérez Pena

O feminismo galego convoca este domingo máis de 30 mobilizacións en todas as cidades e vilas, incidindo no traballo de coidados. Ademais, haberá xantares colectivos, foliadas e mesmo unha cadea humana de mulleres en Carnota ou a performance de 'Un violador no teu camiño' en Vigo. Consulta aquí a axenda de actos

O alcalde, Manuel Ruíz, renuncia á súa defensa de Riveira nun acto no que participaron representantes da Xunta e da RAG. Nos últimos meses o Goberno local comezara a substituír o v por corazóns nunha operación que o BNG criticou como un malgasto de cartos públicos

O empréstito, concedido polo Ministerio de Facenda, únese aos dous concedidos anteriormente e serve para aboar os xuros que estaban pendentes polos atrasos no pagamento aos preto de 500 veciños e veciñas, que o pasado mes de setembro chegaron a un acordo definitivo co concello

O Tribunal da UE dálles a razón aos afectados, pero deixa a decisión en mans de cada xuíz, que deberá decidir en cada caso. Ao redor de 30.000 persoas en Galicia (un millón en todo o Estado) víronse prexudicadas por un mecanismo que encarecía as hipotecas entre 100 e 300 euros ao mes.

No Estado español hai xa máis de 120 casos confirmados, pero Galicia é unha das tres comunidades autónomas (xunto con Murcia e Aragón) nas que aínda non se detectou ningún positivo. En calquera caso, para contextualizar o impacto real, cómpre lembrar que a gripe mata cada ano varias ducias de persoas en Galicia e motiva o ingreso hospitalario de máis de mil.

Un informe de CC.OO. pon datos á "dobre xornada laboral" das mulleres, que "levan as de perder na fenda salarial porque os seus traballos son peor remunerados e contabilizan menos horas". "As causas están nas tarefas e coidados da familia e o fogar, que establecen ese patrón tan difícil de romper", sinala o estudo

A Plataforma en Defensa do Frei Luis de Granada criticara a negativa da Consellería de Educación a permitir que as aulas foran visitadas "polos medios de comunicación e pola cidadanía". Por ese motivo, construíu unha réplica no Malecón da vila para denunciar as "pésimas condicións" que sofren nenos e nenas

A revista Cadernos de Lingua analiza que é o que máis inflúe no número de procuras no Dicionario da RAG, destacando que os principais factores externos son a circulación dun termo nos medios de comunicación e no mundo escolar. Nos últimos anos entradas como afouteza, teimudo, sapoconcho ou chimpín estiveron entre as máis consultadas

Unha manifestación masiva tomou as rúas da vila ourensá reclamando o recoñecemento do traballo de coidados, realizado de forma "invisible" polas mulleres. Na marcha estivo moi presente a defensa da sanidade e dos servizos públicos, ao fío da mobilización que conseguiu evitar o peche da sala de partos de Verín

Medio cento de investigadores e investigadoras constituíron Investigal-Rede Galega pola Investigación. A entidade reclámalle ao Goberno Galego que "supere o atraso económico ao que está sometendo á sociedade e se coloque á vangarda internacional, entendendo a investigación como un motor de enriquecemento do país"

A convocatoria da manifestación nacional incide este ano no traballo "invisible" dos coidados, realizado maioritariamente por mulleres, sen remuneración económica e moitas veces sen recoñecemento social. "Sen coidados non hai vida" será o seu lema. O 8 de marzo haberá marchas en todas as cidades e vilas do país.

A asociación 85C está a poñer en marcha, en colaboración con locais da cidade de Vigo, un protocolo de actuación contra as violencias machistas que se producen no ocio nocturno. O 60% das mulleres que responderon a un dos seus cuestionarios afirmou ter sufrido algún tipo de acoso