Marcos Pérez Pena

Despois de solicitar unha redución de xornada por lactación, a traballadora -experta no manexo de sónar- foi relegada laboralmente e as únicas funcións que lle foron asignadas foron as de limpeza e pintado. O Xulgado do Contencioso de Ferrol recoñece o seu dereito "a ser declarada en situación de Incapacidade Temporal como consecuencia de continxencia profesional"

Xulio Sousa (ILG) publica unha investigación sobre a maneira en que as características morfolóxicas do estándar recollen as distintas variedades do galego, realizada a partir de mostras recollidas nos anos 70. "Nos rexistros formais o peso do estándar é moi elevado, pero nos coloquiais é moito menor", di

Este martes cortouse o tráfico na zona para iniciar uns traballos que durarán dous anos. Vigo Histórico presentou varios recursos ante o  Tribunal de Contratación e o Goberno local, que este aínda non respondeu e anuncia que levará o asunto ante o Contencioso-Administrativo.

Isabel Fraga sufriu acoso sexual entre 2012 e 2016 por parte do seu superior directo en El Corte Inglés. O xulgado do Social e o TSXG xa recoñeceron os feitos, pero este mércores iníciase un xuízo penal. A muller espera que a sentenza sexa "un exemplo" para que o sucedido non se repita nesta ou noutras empresas.

A manifestación nacional celebrarase o 1 de marzo na vila ourensá, destacando "a loita exemplar" desenvolvida "fronte á precarización dos servizos públicos de saúde". O 8 de marzo haberá mobilizacións en todo o país, facendo fincapé en que "o traballo de coidados debe ser o centro e motor da vida" e denunciando a súa invisibilización.

O presidente da delegación ourensá do COAG expón os criterios técnicos que levan aos expertos a desaconsellar a localización proposta para a nova estación de Ourense. Rafael Castro pide que a xente "tome conciencia do problema" e "saia á rúa e proteste polo que esta cidade merece"

En 2016 Feijóo prometeu que a que está a piques de rematar ía ser "a lexislatura do rural". Porén, nin sequera a recuperación económica xeral dos últimos anos conseguiu deter a destrución de empregos no agro e no mar, que xa só dan traballo a 56.355 persoas, 17 mil menos que hai unha década e 4 mil menos que no 2014.

A USC e o Ateneo de Santiago publican unha edición facsimilar de La mujer del porvenir e La mujer de su casa, textos seminais para entender o pensamento feminista da autora ferrolá. A obra conta cunha introdución de Carmen Blanco, profesora da Facultade de Humanidades da universidade compostelá

As participantes no encontro falaron de problemáticas que están as sufrir os concellos rurais galegos, como o desmantelamento dos servizos sociais, a falta de infraestruturas, a falta de oportunidades para mozas, a fenda dixital e de xénero ou do sentimento de abandono por parte das institucións.

Compostela, Ferrol, A Coruña ou o cárcere da Lama acolleron este venres actos en homenaxe a Concepción Arenal, no bicentenario do seu nacemento. Encarna Otero destaca que é "unha muller relativamente coñecida pola poboación, pero bastante mal coñecida"

O 31 de xaneiro de 1820 nacía en Ferrol Concepción Arenal. Este venres celébrase o bicentenario da autora e activista galega con actos en varias cidades organizados por concellos, universidade e entidades sociais, como o Colexio de Traballo Social, que reivindica o seu legado. Falamos coa presidenta das organizacións colexiais españolas

O pasado 8 de marzo o edificio da Deputación de Pontevedra en Vigo apareceu cuberto por faixas de gran tamaño compostas por tres mil máscaras, trenzadas e escritas unha a unha coas mensaxes enviadas por centos de mulleres. É a obra 'Coidármonos' de Luz Darriba, que fai fincapé no traballo de coidados, especialmente intenso na pandemia.