O número de pisos turísticos aumenta dende xaneiro un 33% na Coruña e un 23% en Vigo
En Galicia funcionan de xeito legal case 20 mil establecementos deste tipo, un 15% que hai seis meses. Sanxenxo segue a ser o concello cunha maior cantidade, pero as cifras aumentan con moita máis rapidez nas dúas maiores cidades do país.
Reclaman que o Museo Carlos Maside sexa declarado BIC e recupere o modelo "ideado por Díaz Pardo e Seoane"
Ante o anuncio de apertura ao público do museo de arte contemporánea situado en Sada, a asociación cultural Irmáns Suárez Picallo volve reclamar da Xunta a aplicación da máxima figura de protección e critica a "deriva mercantilista" que levou a "desvirtuar" o modelo fundacional do Grupo Sargadelos
- Datos Xerais 23X
- Política
As solicitudes de voto por correo duplícanse dende 2019 e aumentan un 80% en relación ao máximo de 2016
Algo máis de 146 mil persoas solicitaron votar por correo nas catro circunscricións galegas, fronte ás 67 mil e 60 mil das dúas convocatorias de 2019 e ás 84 mil de 2016. O incremento no conxunto do Estado é semellante: un 163% en relación a novembro de 2019 e un 80% por riba do dato de 2016. O prazo para a remisión do voto postal finaliza o día 20.
- Datos Que turismo?
- Lecer
O ano que volvemos viaxar: o 2022 rexistrou récord de gasto turístico da poboación galega e máximo de visitantes
O pasado ano as persoas residentes en Galicia realizaron 8,7 millóns de viaxes, preto do máximo histórico anterior á pandemia. O récord si se bateu no gasto total realizado e tamén nas cifras de viaxeiros e viaxeiras chegadas a Galicia. Espérase que neste 2023 se superen todos os indicadores.
40 anos de autogoberno: máis persoas facendo e consumindo cultura pero menos investimento público
O CCG publica un informe que escolma e analiza 40 anos de cultura galega a través das estatísticas. Os produtos culturais chegan hoxe a moita máis xente no país cun sector no que traballan moitas máis persoas que en 1983. En cambio, o investimento das administracións públicas acadou o seu máximo hai 15 anos e dende entón descendeu.
Galicia rexistrou en xuño 30 mortes relacionadas coas altas temperaturas, a maioría entre persoas de máis de 75 anos
O sistema de Vixilancia da Mortalidade diaria (MoMo) xestionado polo Instituto de Saúde Carlos III (ISCIII), monitoriza os excesos de mortalidade e analiza as súas posibles causas, entre elas as anomalías climáticas. No verán de 2022 producíronse en Galicia 235 defuncións ligadas á calor excesiva.
- Datos
- Acontece
De que morremos en Galicia? Máis tumores e accidentes nos homes, máis senilidade e problemas circulatorios nas mulleres
Os datos da estatística de defuncións publicada polo INE revelan a importante incidencia das mortes por COVID o pasado ano e amosan que os tumores son a principal causa de morte entre os 30 e os 80 anos. Entre os 30 e os 39 anos destaca o peso dos suidicios e que entre os 15 e os 29 anos a principal causa de morte son os accidentes de tráfico
Os concellos pequenos gastan o mesmo que os grandes en servizos básicos malia ofrecer menos á súa veciñanza
O Observatorio Municipal Galego da Rede Localis publicou un novo documento de análise da situación económica-financeira das entidades locais. Destaca que as localidades de menos de 5.000 habitantes "deben realizar un esforzo maior que aqueles con máis poboación"
- Interactivo Dereito á vivenda
- Economía
Galicia suma medio millón de vivendas baleiras polo despoboamento do rural e os inmobles sen uso nas cidades
O 29% das vivendas galegas están desocupadas, o dobre que a media estatal (14%) segundo os datos do Censo do ano 2021 publicados este venres. Os concellos rurais presentan as maiores porcentaxes, pero Vigo e A Coruña son a segunda e a terceira cidade do Estado cunha maior proporción de inmobles baleiros. En conxunto, as sete cidades galegas teñen ao redor de 90 mil vivendas baleiras.
O Día das Letras de 2024, para Luísa Villalta, a escritora e música que miraba o mundo a través da poesía
A autora coruñesa convértese na sexta muller homenaxeada no 17 de maio. A Real Academia Galega destaca o seu carácter de "intelectual" e de "poeta do pensamento" nunha celebración que coincidirá co vixésimo aniversario do seu pasamento.
- 🏳️🌈
- Acontece
Carballo estrea con orgullo un xardín para 'O Xestal', o humorista de masas perseguido pola súa orientación sexual
O Concello de Carballo inaugurou este 28 de xuño o espazo, que homenaxea o popular humorista e músico, un fenómeno de masas nos anos 50, 60 e 70 cos seus contos, pero que foi invisibilizado e encarcerado por ser homosexual.
Aumenta o número de alcaldesas en Galicia, pero o 80% dos rexedores son homes
Nos 300 concellos xa constituídos foron investidas 65 alcaldesas, que como mínimo se elevarán probablemente a 68, o 21,7% do total. Aínda que a cifra segue a ser moi cativa, a evolución é positiva: no ano 2011 había só 24 rexedoras en Galicia. O BNG é a forza cunha maior proporción de alcaldesas, pois lideran un terzo dos seus gobernos municipais.