Marcos Pérez Pena

Entre o 1 de xaneiro de 2022 e o 1 de xaneiro de 2024 o número de piscinas existentes en Galicia aumentou un 7,5%. En total hai 43.314. O Pereiro de Aguiar, con 105 piscinas por cada mil habitantes, é o concello galego con máis instalacións deste tipo en termos relativos, seguido de Amoeiro, Bergondo, Toén, Coles, Oia, Nigrán e Taboadela

Dous avogados lucenses presentaron unha reclamación ao abeiro da Lei Integral de Igualdade de Tratamento e non Discriminación contra a Delegación provincial do INSS pola negativa a atendelos en lingua galega. A sanción por "condutas discriminatorias graves" pode chegar aos 50.000 euros.

Vén de nacer a Plataforma en Defensa do Patrimonio Industrial das Pontes, encabezada por Miño Guerreiro, que reclama paralizar a prevista demolición das instalacións, espazo de "expresión da loita obreira galega". En xuño esgotouse o prazo de dous anos para que a declaración BIC da cheminea principal acadase os apoios necesarios.

Repasamos algúns dos proxectos históricos para a extensión da rede ferroviaria en Galicia, a maior parte nunca realizados, pero que nalgúns casos hoxe se volven poñer enriba da mesa, como a liña Santiago-Lugo ou A Coruña-Carballo. En 1889 a Sociedade de Amigos do País elaborou un completo documento que deseñaba unha rede capilar que levaba o tren a case todas as comarcas.

En agosto de 2014 nacía na Coruña un "minifestival de autoedición e cómic de autor", o Autobán, que dende entón medrou e consolidouse sen perder a súa esencia. No último ano converteuse en asociación cultural e creou o premio ao mellor fancine galego. Falamos co seu responsable, Bernal Prieto.

Houbo medallas para Carlos Arévalo, Rodrigo Germade e Diego Domínguez en piragüismo, para Enmanuel Reyes en boxeo e para Rodrigo Corrales en balonmán. Os deportistas do país obtiveron tamén bos resultados en remo, atletismo e coas seleccións de fútbol, baloncesto ou balonmán, cun total de 11 diplomas olímpicos

Os traballadores votaron en asemblea desconvocar a folga que de forma encuberta levaban a cabo dende o pasado 24 de xuño. O líder do STL, Miguel Ángel Sánchez, que ata o último momento presionou o persoal para forzar a extensión do conflito, recoñece que sae "tocado" desta derrota, da que culpa á "presión brutal" do Concello, da empresa e dos demais sindicatos 

A embarcación do betanceiro e o cangués rematou en terceira posición nunha carreira que gañou Alemaña. O madrileño afincado en Galicia Diego Domínguez acadou tamén o bronce no C2 500. Mentres, o K4 de Teresa Portela, Carolina García e Sara Ouzande foi sexto na súa final, con diploma para as galegas.

Hai 1.480 vivendas que se poden alugar para estadías de longa duración fronte a 5.382 vivendas de uso turístico rexistradas legalmente. Nos últimos dous anos o número de pisos turísticos aumentou un 168% en Vigo e un 130% na Coruña e os prezos do alugueiro disparáronse.

O K4 de Teresa Portela, Carolina García e Sara Ouzande entrou directamente na final e as demais deberán superar outra rolda antes da carreira que decide os metais. A maior parte dos palistas galegos acadaron a clasificación directa e demostraron estar entre os máis fortes do campionato

Este martes pola mañá celébranse as primeiras series da maior parte das modalidades, con grandes opcións para Rodrigo Germade e Carlos Arévalo no K4 500 e no K2 500; para o K4 500 de Teresa Portela e Carolina García, que dobra no K2 500; e para o C2 500 de Antía Jácome. As finais serán o venres e o sábado pola mañá

O Espazo Lusquiños pechou en xaneiro, despois de facelo tamén entre 2020 e 2022 por mor da pandemia e cunha evidente hostilidade ante o espazo por parte de Gonzalo Pérez Jácome. A Casa da Xuventude ten unha actividade e unha participación a anos luz da que chegou a ter. Repasamos a historia deste lugar, que durante máis de tres décadas foi un espazo de socialización modélico para a mocidade, alimentou o talento e ofreceu alternativas de ocio para a xente nova.