Marcos Pérez Pena

Do Mazarico Real ao Oso Pardo e da Píllara das dunas á Avefría. O Catálogo galego de especies ameazadas recolle 76 especies en perigo de extinción no noso país, xunto con outras 126 categorizadas como "vulnerables". Case ningunha conta cun plan de protección.

A coincidencia coas municipais está a ocultar a importancia destes comicios, pero pode reducir a elevada abstención que decote se rexistra nestas convocatorias. 39 candidaturas optan aos 54 escanos en xogo.

No 2015 os populares perderon localidades como Ames, Vilagarcía, Cangas, Cambre, Ponteareas, O Porriño, Moaña, Nigrán ou Sada. Con máis competencia no campo da dereita, o PP busca reaxir na Galicia vilega ante unha esquerda igualmente fragmentada que tentará consolidar e afianzar as súas prazas

O máis lonxevo é Senén Pousa (PP), alcalde de Beade coñecido polas súas declaracións en favor do franquismo, que accedeu ao cargo en 1974. Os outros cinco chegaron á Alcaldía en 1979, nas primeiras eleccións municipais democráticas.

Os populares caen en todo o país, sobre todo nas cidades e vilas e nos concellos menos envellecidos, os lugares onde máis medra o PSdeG. En Común segue a ter os seus mellores resultados nas localidades máis novas, pero é nelas onde sofre máis perdas. O BNG crece nas vilas medias.

11 dos 19 concellos que o 26-M elixirán menos edís están en Ourense, onde tamén se sitúa o único que gaña representantes, San Cibrao das Viñas. Ribadeo, Xinzo de Limia, A Illa de Arousa, Meis e Muxía, entre os lugares que baixan. O partido xudicial de Corcubión perde un deputado provincial en favor de Santiago.

O PSdeG-PSOE impúxose na maior parte das rúas das sete cidades galegas. O PP tan só conseguíu ser a forza máis votada nalgúns lugares céntricos (coma o Ensanche coruñés ou o interior da muralla en Lugo) e En Común retivo algúns triunfos en Vigo. Ciudadanos creceu en barrios nos que era forte o PP

Nas eleccións do 2015 foran o 21,8% e agora son o 25,4%, un ascenso moi cativo que só é algo maior na provincia de Pontevedra. En 114 concellos todos os candidatos á Alcaldía son homes, aínda que 5 localidades son a excepción, con pleno de candidatas femininas.

O PP domina en dous terzos do país, pero é superado nas zonas urbanas e comarcas máis poboadas, onde fica por debaixo do 20% en moitas localidades. Os socialistas gañan nas cidades e en comarcas como O Baixo Miño, a Mariña lucense ou a Costa da Morte

Unha vez máis os resultados electorais nesta vila foron case idénticos ás cifras globais do conxunto de Galicia, con apenas unhas décimas de diferenza nos números de cada forza política. Betanzos confírmase como unha magic town

A profesora Ángeles Ramírez analizou a "Precariedade e a feminización das migracións internacionais" na súa intervención na Semana Galega de Filosofía, que rematou este venres en Pontevedra.

Facendo unha simulación e trasladando os datos a unhas hipotéticas eleccións autonómicas, o PSdeG, En Común e BNG obterían 40 escanos e o PP perdería o Goberno da Xunta. Elixindo os 23 escanos galegos nas xerais cunha circunscrición única En Común, Ciudadanos, BNG e VOX gañarían un representante.