'Afouteza', palabra galega do ano 2017
O termo impúxose con claridade na votación realizada polo Portal das Palabras, na que participaron 6.228 persoas, superando a independencia e sapoconcho. Nas anteriores edicións desta iniciativa as escollidas foron corrupción (2014), refuxiado/a (2015) e irmandade (2016).
"O pobo saharahuí non pode vivir da solidariedade, quere vivir dos recursos da súa propia terra"
Solidariedade Galega co Pobo Saharauí mantén unha constante actividade de apoio nos campamentos de refuxiados. Este mes 15 sanitarios viaxaron alí para reforzar a asistencia médica e tamén se organizou unha visita institucional, na que participou, entre outras, Eva Solla, coordinadora nacional de EU e vicepresidenta do Parlamento.
Esquecidos por Venezuela... e tamén por Galicia e España
Máis de tres mil xubilados venezolanos residentes en Galicia, coas súas pensións bloqueadas, non reciben tampouco as prestacións españolas, que só acadan tras reclamalas xudicialmente, con longas esperas. "Non sabemos por que a administración se empeña en manter un criterio que despois é revogado polos tribunais", din dende a Asociación de Pensionados.
O envellecemento da poboación sitúa as caídas como a principal causa externa de morte en Galicia
No 2016 houbo 414 falecementos por este motivo, fronte aos 338 por suicidio e ás 160 por accidente de tráfico. A lonxevidade continúa elevando as cifras de mortalidade provocadas polo cancro, responsable de 8.705 defuncións o pasado ano, a cuarta parte do total.
Medio Rural incumpre o seu propio protocolo e rexeita un trampeo masivo contra a velutina
ENTREVISTA | Falamos con Laura García, voceira da Plataforma Stop Velutina Galicia. Critica as escasas medidas adoptadas pola Xunta, "políticas e populistas, pois limitan o risco preto das casas ou de centros de ensino, pero non serven para frear o avance" da avespa asiática
Caballero acelera cunha exposición prefabricada a fin do MARCO como centro de arte contemporánea
A mostra sobre Xulio Verne, producida pola Fundación Telefónica, será o primeiro contido do ano 2018 dun museo que segue sen director/a e sen un proceso aberto para a súa elección. Artistas e colectivos cultuais reiteran a importancia de que Vigo non deixe morrer o seu espazo de vangarda.
Marín e Bueu homenaxean os concelleiros e obreiros executados en 1936
No marinense cemiterio da Raña colocarase este sábado unha placa que recorda dous concelleiros de Bueu e tres dirixentes obreiros da mesma localidade asasinados tralo golpe de Estado. Nos últimos anos a Asociación pola Memoria Histórica de Marín realizou varios recoñecementos a, entre outros, Antonio Blanco, alcalde da vila entre 1931 e 1936
A superficie agraria utilizada en Galicia reduciuse un 14% na última década
O descenso corresponde sobre todo aos terreos dedicados a pastos, que diminuíron un 22% dende o ano 2007. Nese tempo desapareceron máis de 13 mil explotacións e o número de empregos a tempo completo caeu un 38%, ao redor de 40 mil.
A Xunta denégalles a RISGA a venezolanos por ter unha pensión que levan dous anos sen cobrar
María del Carmen, de 62 anos e residente na Coruña, vai ficar en xaneiro sen ingreso ningún. Viña cobrando os 400 euros da RISGA, que agora lle son retirados pola Consellería de Política Social, que argumenta que a muller ten xa recoñecida unha pensión venezolana de xubilación, que en realidade leva sen recibir dende decembro de 2015.
A Rede Galega de Educación Rural pide unha "moratoria" no recorte de unidades e profesorado
Este luns entregoulle á Xunta unha proposta de traballo transversal para a recuperación do rural no ámbito educativo, socioeconómico ou sanitario. Demanda un plan específico para o ensino nestes concellos que facilite o mantemento e recuperación de alumnado. E, de forma inmediata, a paralización dos recortes para non seguir degradando o servizo.
Profesorado denuncia a privatización da certificación de idiomas por parte da Xunta
A Asociación de Profesorado de Escolas Oficias de Idiomas critica que o Goberno galego recorra a empresas privadas para acreditar as competencias lingüísticas dos docentes, o que respondería "á urxencia propagandística da Consellería" para habilitar máis profesionais "para impartir asignaturas en inglés en centros plurilingües"
Cando o crecemento da cidade te expulsa da túa casa
REPORTAXE | Nos últimos meses o colectivo Ergosfera levou a cabo un minucioso traballo de investigación para identificar as 1.198 vivendas que están en risco de desaparición na Coruña se se desenvolven as transformacións previstas no PXOM de 2013. Ademais, contactou cos seus habitantes para promover a súa organización e defensa colectiva. Falamos con Iago Carro.