Marcos Pérez Pena

Trátase das titulacións en Educación Infantil e Educación Primaria, que se imparten en Ourense, e Comunicación Audiovisual, que se imparte en Pontevedra. A proposta debe ser aprobada pola Comisión Interuniversitaria de Política Lingüística.

A ANPA deste centro de educación especial leva anos reclamando do Goberno galego solucións ante a carencia de persoal, a falta de baños adaptados e os problemas no edificio. "É incrible que teñamos que saír nos medios para que a Xunta nos escoite", di unha das nais.

"Ao final tratouse de elixir entre a continuidade de Viravolta e a continuidade do museo", conclúe Anxo García, un dos responsables da compañía de títeres que xestionaba o museo situado no Pazo de Liñares en Lalín, único no país

Os xornalistas Xosé Fernández Ferreiro e Santiago Romero afondaron nas orixes familiares do campión austríaco, en Nogueira, Cambre e A Coruña, sinalando a semellanza física co piloto, falecido este martes

O percebeiro e escritor Suso Lista denunciou hai uns días o proxecto de instalación de 15 grandes farois nun punto de Corme empregado para a observación do ceo nocturno, avanzando no proceso de contaminación luminosa que sofren moitos lugares de Galicia, sobre todo no litoral. A Agrupación Ío e outros colectivos uníronse á protesta

O evento, organizado polo Centro de Formación e Recursos Ferrol, serviu para celebrar o Día das Letras. Os rapaces e rapazas procedían de 22 centros de ensino de Ferrolterra e bailaron ao son de A Banda das Crechas. "Queremos animar a todo o profesorado a que leve o baile tradicional á práctica diaria nas aulas", din.

Di que catro anos de goberno cheos de obstáculos o fixeron "máis forte e máis valente a forza de paus". Falamos con Jorge Suárez sobre os seu mandato, as súas expectativas para o 26M e os retos inmediatos do Concello de Ferrol.

Como mestre, etnógrafo ou historiador Antonio Fraguas pertenceu a ese grupo de traballadores silandeiros polo país. Definido como un "intelectual, investigador e docente vocacional e xeneroso", máis importante que os cargos ocupados foi o seu labor de base realizado durante anos, nomeadamente no que atinxe á protección do patrimonio inmaterial

O Goberno galego estableceu que os 65 residentes permanentes do arquipélago e os seus ascendentes e descendentes quedan fóra da cota máxima de 1.800 visitantes diarios, pero non así os seus irmáns, irmás,  sobriños, sobriñas e demais parentes.

A nova Lei do Xogo limitará o seu número aos xa existentes ou en tramitación. A comezos de ano eran 136, sobre todo en Vigo e A Coruña, e a cifra crecera xa ata os 159. O Goberno galego aprobará este xoves a medida para evitar que as empresas "especulen" e abran novos salóns nos vindeiros meses

A vindeira semana comeza o festival, polo que este ano pasarán Rodrigo Sorogoyen, Leonor Watling ou El Gran Wyoming e serán premiados Carlos Blanco, Pilar Comesaña ou Nieves Rodríguez. Proxeccións, concertos, charlas, roteiros e unha ampla programación infantil levarán a Cans a milleiros de persoas entre o mércores 22 e o sábado 25.

Ningunha praia de Guipúscoa e só dúas en Biscaia contan con esta certificación privada, despois de que nos últimos anos moitos concellos renunciasen a solicitala. Tamén está a ser posta en cuestión en Galicia por localidades como Nigrán, O Grove, Ribeira, A Pobra, Rianxo ou Barreiros